TUTUR KASUKSMAN

TUTUR KASUKSEMAN

IKI TUTUR BUDHA GENING NGARAN

          Iki katerangan budha Gening ring raganta, yeki jatinia ; Bu ngaran Budi Di ngaran Getih, Dha ngaran Sukla, sukla ngaran sang pageh ring budi. Ga ngaran sane mawak ring wat, Ning ngaran ssane ngidayang ngasorang Daseindrya, muawang Sad ripu, muwang Panca wisesa, muwang papa klesa. Sakwehing letuhing sariranta ilang denia, samangkana tingkahing Budha Gening ring sariranta.

          Sang budha Gening ring raganta, ring telengin budi, ring telengin bayu, ring telengin sabda, ring telengin idep, ring telengin lampah. Pamulihanya ; ya dadi dasar tutur, muwang sarining tutur sarwa utama. Dija genahnya ring sajeroning sarira ; di hati, di nyali, di papusuhan, di pungsed, di polo, to jani oper anggen ngeseng malane ring jeronong awak, elingakna ngoper bayunta, sakewala rasa anggen mesikang, bayu, sabda, idep, adnyana hening apang dadi abesik kenehe di jero, yeki pangoperanya ; Mak bayun hatine abe ke nyali, suba di yali jalanang abe ke papusuhan, apang merasa abesik bayune tatelu, matunggalan ring papusuhan meraga bayu idep. Jani pitehan tuwun bayu idepe terus ke hulu hati, malih terus tuwun teked ke pungsed, ditu jenek. Malih terus pitehang ke kiwa ping sia (9x), wus mangkana pagehang sariranta, raris kelebitang menek ditu ada mantra yeki; Ang, 9x, taler ring puser rasayang, iki ngaran yeh nganyudang mala letuhe ring raganta.

          Suba keto jani sorotang angkihan cunguhe dadua benengan pusere terus batis kalih, terus ke purus, mantra ; Ong-rong suarania Erong, erong, erong. Jani suba matinggal letehe ring jero, malih oper bayu idepe ring puser terusang menek ke hulun hati, terusang ke papusuhan, terusang ke polo, dadi adnyana licin, ya ngaran Budha Gening magenah di tengah polone. Ditu ada jalan tatelu ; ke netra kekalih, ke pabaan abesik, ento jalan kenehe ening, sane metu ke mata dadi Kuranta Bolong, asing kenehang katon deniya, yan ala, yan ayu, yadin kawisesan katon deniya, sidhi sakenehniya.  Yan metu ke pabahan, dadi sarining yoga semadi, meraga Dewa ya, wenang anggen ma hyang-hyang sakeng paturon, nelokin kama sidian sakeng paturon, ya dasdi tunas icain, nanging pagehang budhinta apang abesik, saluwiring keneh sida, nghing pingit akna ring untek. tlas.

IKI TUTUR BUDHA BOLONG NGARAN

Iki katerangan tutur budha Bolong muwang tastraniya, genahniya apang tawang;  Ang, Ung, Mang. Ang ring mata kiwa, Ung ring mata tengen, Mang ring hati. Trus ke papusuhan, terus ke polo, ya surya tiga ring raga ngaran. Jani incepang ring mantra maring surya kiwa ; Ang, Ang, Ang. maring netra tengen ; Ung, Ung, Ung. Maring polo ; Mang, Mang, Mang. terusang ke slaning alis, tunggalang idepe yan sampun langgeng sida kayun. yeka ngaran Budha Bolong.

IKI TUTUR BUDHA TATTWA NGARAN

Iti katerangan tutur Budha Tattwa ; ngaran semadhi, jatiniya mangda langgeng ring manah sukla, mangda percaya ring keneh pesaja, apang tejem makeneh, tur melampah sane patut, ya ngaran sarining yoga samadhi. yan metaki-taki kedharman nyuksemayang sastra utama, yan mangkana sida deniya.

IKI TUTUR BUDHA SERAYA NGARAN

Jatiniya tutur budha seraya ngaran melajah mesikang idep, ngurangin Panca indrya, artinniya ; ngurangin meliat, madingehang, mengadek, mengrawos, mesanggama muwah saluwirniya ikang jele-jele, sami mulih ring idep patut, muwang dharma hening, yan ngidayang sahunganiya ayu, muwang asih sakelwirniya, ika ingaranan Budha Seraya.

IKI TUTUR BISEKA BUDHA NGARAN

Jatining tutur biseka Budha ngaran mangda nyidayang ninggalang angen-angen, ninggalang tresna, ninggalang momo, ninggalang semara tantra, ninggalang wiroda, mangda nyidayang munggelin punika sami tanpa sisa, nanging tiga panujune sakewala Dharma, patut, Hening, sami mulih ring lampah, iki ngaran Biseka Budha ring raganta, luwih utama.

IKI TUTUR DHARMA JATI NGARAN

Jatiniya tutur Dharma jati ngaran ; mangda pageh idepe lawan lampahe, nanging sane rahayu tujuang apang saja, mangda bener patitise, mengangge sastra utama. Dharma ngaran ; ngurangin pangan kinum, Jati ngaran ; pageh pekayunane, mangda setata dharma, giat ngalih gegunan sastra utama, nanging tan wenang mangan sarwa majiwa (meangkihan) suweniya ; nista, madya , utama. yan manista ; enem bulan, abulan pitung dina. yan madya ; atiban, abulan pitung dina. yan utama ; duang tiban, abulan pat belas dina. sai-sai mabersih ping telu sadina muwang masiram sambilang mangan sarining bunga merik, mangan ajengan apisan tusing dadi maimbuh. Yan sida samangkana sakayunta sida, gunaning sastra mautama, pasuk wetu ring sarira, tur pradnyan mengaji, muwang dewa asih, manusa asih, bhuyta kala dengen asih, wak bajra sidhi ngucap pwa sira.

IKI TUTUR DHARMA YOGI NGARAN

Jatiniya dharma yogi ngaran ; melajah metingkah patut,muwang mangan sane wangi, yogi ngaran ; ritatkalaning mesikang idep sane rahayu, muwang mesikang gunan sastrane mautama, luirniya ; weda, japa, mantra, tan mangan muwang asabda suweniya ; nista, madya, utama. Nistaniya tigang rahina, madyaniya pitung rahiina, utamaniya solas rahina. Abersih uga sira, pegeng bayunta, sabdanta muwang idepta genahang ring untek,teerus ke selaning lelata, rasa wetu ring netra kalih, yeki mantrania ; Ang ring netra kiwa, Ah ring netra tengen, Ang Ung Mang ring polo, Ung ring selaning lelata, Ang, Ung ,Mang, Ong, Ang, Ah, Ung. 11x. Yan sira masang yoga masila marep kangin, mewasta putih, ngarepin daksina abesik, sodaan putih kuning canang lenga wangi burat wangi. ping tiga mayoga sadina, dauh pisan, bener, lan sanjania. yan pageh katon sekayunta sekala yadin niskala, sakewala rasa.

IKI TUTUR DHARMA BERATA

Jayinia yeki ; dar ngaran mangan nginium, melajahin mangan. Beraata ngaran nyakitin kenehe momo, muang indrya, tresna, angen-angen muwang langgap, angkara murka, druwaka lan wimoha. Apang sida kalah ring sarira, ika ngaran satru ring awakta. yan mengalih ne rahayu (nabdabang raga) mangan pelajahin, kuwangin amangan, mangda licin, apang tan pateletuh ring sajeroning sarira. nangin pemargine manista, madya lan utama. Yan nista pitung rahina, madya Solas rahinna, utama abulan pitung dina. Amangan nasi kewala, amangan jangan kewala, amangan babungkilan kewala, amangan japa kewala, amangan mantra kewala, amangan weda kewala. Saluwiring kenehang muwang pangan mangda besik-besik. Yan sida denia kepanggih sagunania, sakarepnia katemu, ayua kita wedi ring pati, wireh sami mulih riing lampah pageh, mangkana tingkahnia, metaki-taki dharma berata, pagehang idepe ngastiti Sang Hyang Jati Tunggal magenah ring adnyananta. Ta ngaran mata kalih, teleng ngaran di tengah matane, langgengang pisan mangda manggih rahayu. Adnyana ngaran ; ditu astiti merthane, kamandalune, pawitrane lan tirtha heninge, ya Sang Hyang Tunggal magenah ring tengah polone. Tirtha kamenalu magenah ring telengin mata kiwa, mantrania Ang ping 9, Tirtha Pawitra magenah ring telengin mata tengen, mantrania Ah ping 9. Tirtha Heninge magenah ring selagan alise, mantrania Ong ping 9. Sang Hyang Tunggal magenah ring song papusuhane, tereus ke polo, mantra Ang, Ung, Mang, ditu pada simpen apang pageh. bersihin saidupe,palania nemu rahayu tan ketamanan desti, leyak, teluh, trangjana, bhuta, kala , dewa asih. Yan kita pejah anemu swarga, sunia loka pinapakan watek betara-betari muwang widyadara-widyadari, magenah ring meru mas matumpang selikur, yan manumadi manadi ratu byuh bala.

IKI TUTUR NITI BERATA NGARAN

Iki katereangania, elingakena ayua kita tan percaya ring manah, ayua nginutin manah ala, sabda ala, lampah ala, idep ala, rasa ala, ya musuh ring sarira. Muwang amangan magoba aeng, macan, cicing, celeng, buaya, lelipi, alu, kakia, ika sami tan wenang, ayua kita tatan angawe ayu. Dharma hening muwang budhi, idep, manah, adnyana, bayu, sabda, angkihan , lampah ika wenang astiti sari-sari pagehakena ring manahta. jatinia ring polo, Budi ngaran ; getih, genahnia ring papusuhan, Idep ngaran rasa, ngaran lawat magenah ring hati, terus ke mata. Manah ngaran patitis makuweh genahnia ring jaba,ring jero. Adnyana ngaran patunggalaning bayu, sabda, idep magenah ring polo. Ika cintya, ya taya, ya licin, ya ayu, ya dharma, ya hening, ya pageh ngaran ya atma, ya pitra, ya widhi, ika ngaran Sang Hyang Tuduh, manuduhang ala ayu ring manusa loka, manusane jani ngelampahin mangda langgeng rahayu ngaran. Iki dasar tutur mautama, dasarnia iki muwang tungtungnia iki.

IKI TUTUR LINGGA WINASA NGARAN

Jatinia lingga ngaran ; genah munyine, Wi ngaran wisesa, Nasa ngaran abesik, genahnia ring papusuhan, terus ke canteling lidah, dewania Sang Hyang Iswara, sastrania Mang, rupania Putih hening, senjatania Bajra, bhutania lima Anggapati, yan wruh mangkana wak bajra sidhi ngucap pua sira.

IKI TUTUR SURYA BOLONG NGARAN

Jatinia Surya Bolong ngaran buat utama, yan sira wruh ring surya Bolong, katon sekayunta ring pamereman. Apa jatinia Surya Bolong = mata kiwa, mata tengen, budinta. Tastrania Ang, Ung, Mang. genahnia Ang ring hati, Ung ring nyali, Mang ring papusuhan. Malih Ang, Ah, Ong. genahnia Ang ring mata kiwa, Ah ring mata tengen, Ong ring selaning lelata. jatinia Ang=bayu, Ung=sabda, Mang= idep. jani simpen ring jero ; mantra, Ang - bayu mulih ring sabda, Ang  - Ung bayu sabda mulih ring Mang, ring idep, dadi rasa magenah ring papusuhan, yan tunggal dadi manusa sakti ya ngadeg ditu. Malih ring mata simpen ; mantra, Ang manah mulih ring Ah, ring budi mulih ring Ong. Ong ring selaning lelata ana ngadeg lan sumungsang matemu, ane ngadeg terus ke pabahan mesuang atma, sane sumungsang terus ke tungtung irung mesuang yeh. sane matemu ring selaning lelata dadi adnyana dharma hening, dadi mengawas ala- ayu. Ongkara ring papusuhan ana ngadeg lan sumungsang, sane ngadeg terus ke lidah dadi suara dadi yeh. Sane sumungsang terus ke ke ulun hati terus ke pungsed, sane matemu dadi windu magenah ring tengah papusuhane, dadi wak bajra sidhi ngucap, yan terus aba ke bongkol lidahe dadi idep sidhi, yan terus aba ke polo dadi adnyana mandi, Surya Bolong ngaran.

IKI TUTUR AJI BATUR HYANG NGARAN

Iti Batur Hyang ngaran, elingakna sastrania ring jero kabeh, muwang dewania, muwang genahnia ring jero kabeh, muwang gobania, muwang kalania, muwang sanjatania, muwang bhutania, muwang pasuk wetunia, muwang uripnia, ika elingakna sami mulih ring raganta. Sane ngawi ika Sang Hyang Tiga Guru, ngaran Sang Hyang Eka jala Rsi, Sang Hyang Guru Reka, Sang Hyang Sandhi Reka, tiga kwehnia sang ngawe iki. Jatinia Sang Hyang Eka Jala Rsi Sang Hyang Surya. yan ring raga  ; polo ya, keneh ya, budi ya, manah ya, adnyana ya. Jatinia Sang Hyang Guru Reka Tastra ya. Yan ring raganta ; adan, rawos genahnia ring papusuhan, pasuk wetunia ring getih. Jatinia Sang Hyang Sandireka Tanah, langit, api, yeh, angin. yan ring raganta ; angkihan, bayu genahnia ring hulun ati terus ke pungsed dadi jiwa atma ya. Mangkana elingakna dena pageh, suksma jati hening, yan weruh samangkana kadi akadang lawan dewata, bhuta kala, mapan sami metu saking irika, yan mahyun ngelaksanayang Aji Batur Yang. Mangke metu Sang Hyang Eka Aksara, ngaran Sang Hyang Tunggal, Ngarania Sang Hyang Tiga, yan ring raganta polo, idep, hening pageh. Sang Hyang Eka Aksara ngamijilang Sang Hyang Saraswati, Sang Hyang Kawiswara, Siwa-Bhuda ngarania, yan ring raga mata kiwa tengen, ya ngaran ala-ayu, suka-duka, ya meme-bapa ngaran. Siwa mata tengen, pasirepania ring papusuhan, sastrania Ah, ngawetuang Panca Resi, yeki sastrania ; Nang, mang, Sing, Wang, Yang. Genahnia ring bhuana agung bhuana alit.

-          Nang kelod kangin genahnia, rupania dadu, dewania Sang Hyang Mahesora, senjatania dupa, bhuta kalania asta, pasuk wetunia ring tangan tengen.

-          Mang kelod kauh genahnia, rupania kuanta, dewania Sang Hyang Ludra, senjatania Moksala, bhuta kalania tri, pasuk wetunia ring tangan tengen.

-          Sing kaja kauh genahnia, rupania gadang, dewania Hyang Sangkara, senjatania Angkus, bhutania eka, pasuk wetunia ring tangan tengen.

-          Wang kaja kangin genahnia, rupania biru, dewania Sang Hyang Shambu, senjatania tri sula, bhuta kalania sad, pasuk wetunia ring tangan tengen.

-          Yang ring madya genahnia, rupania manca warna, dewania Sang Hyang Siwa, senjatania padma, bhuta  kalania asta manca warna, pasuk wetunia ring tangan tengen. ika Panca Rsi ngaran.

Malih Bhuda ring mata kiwa, pasirepania ring pungsed, ngawetuang sastra Panca Brahma, yeki sastrania, Sang, Bang, Tang, Ang, Ing. Genahnia ring bhuana agung bhuana alit kabeh, luwirnia ;

-          Sang kangin genahnia, rupania petak, dewania Hyang Iswara, panca bhuta kalania, bajra senjatania, genahnia ring papusuhan, pasuk wetunia ring tangan kiwa

 bersambuuuuung