TUTUR LEBUR SANGSA

Om Archanam Astu

         Ling ira Sang Hyang Lebur Sangsa, nga. Iti piteges pengawak Ing Kukus manik, pengawak ing Balengbong, pengawak ing Amertha, pengawak ira Bhetara Hyang Widhi, Sapta Dewata, Hyang Widyadara-widyadari, pada anjama dadi manusa sakti. Matemahan Pandita dharma wisesa, matemahan ratu wibuh, sakti kerta laksana, lan matemahan wesya samaguna, muwang sudra yoni. Maka sepat Bendesa Pasek, Gaduh, Kedangka, Kubayan, Ngukuhin, Salain muwang De Batuaji Tulikup.

Ika ta pesamodayan ira, kangken saksining loka, wenang anyaksinin paminta srayaning kadewatan. Ya pada wenang aprawita mabresih, doniyan putus ika pengasryan ing wang ring dewa. Yan tan samangkana ulah ing wang aminta sraya ring dewa, metu kala ambaksa. bingung ring pamuktyania. Yan sampun angange sipat siku-siku kading arep metu ikang udan amertha.

         Mayoga bhatara Siwa urip Bhatara Wisnu, Bhatara Brahma, Bhatara Iswara. Matemahan Bhatara Guru Tunggal, tibeng sawang bhawana, nga. Sawang Bhawana nga : Apah, bhumining amertha, yan tan samangkana tingkahing amara sraya, tuwi anyaksyaken panahuran Tan Sidhajati Purna. yan apanahuran ring Purnamaning ka 7, ya juga wenang. Iki parikandha yogya tinut, tingkahing dadi jadma, poma. Aja pepeka, panresti nira SANG HYANG LEBUR SANGSA,nga. aywa cauh.

           Iki punang Aksara yogya takonakna, yan sira arep weruha ring wreti nikang ala-ayu ning raga sarira ta anadi janma manusa, Ong warah kita mene, ana nikang dandha pati ikang janma manusa, yan nora kinaweruhan kadang warganya ikang lagi uripdadi pada Atma Sidudu, keneng prasangsa nga, ya ta amiroga selawasnia, mwah sakuweh ikang bhuta ring awknia, juga sama angubeda angadakaken gring mangiyut, anadi bhuta Manca Warna, Panca Wara Kobor, dadi Sapta Wara Rukem, dadi Dase Sesa. dadi maduk ika sabdania, metu salah ucap, dadi buduh, pateleng solahnia, kerana saenyahnia angresana, kesasar werat Kawitnia salah mangreka Padma Sari, Anda Amertani.

           Tehar ring raja busana, Catur Kokila, ikang base iwak, dadi mangkana saterehnia angremasin, tinagihin karubeda, tan sah Sang Hyang Yama amburu, mareng jurang parung lalari, sakwehing wang mahala macarman ing ila-ila, papa tineher, mwang petaka klesa. Apa lwirnia, Ya ta Moha, Lobha, Angkara, Kangkang, Dursila.

        Yaniya Long Sastra : anyolong paturus ning wong wadon waneh, yan ya anyolong smara ya ika pitarania mengangsuh, sama turun dadi kala mwang bhuta. Dewata ning manusa :  Bhatara Wisnu matinggal sira saking kulit, Bhatara Brahma matinggal sira saking Daging, I Bhuta Sruyut umungguh sira maring Otot, Sang Bhuta Srasah Rudira metu sira ring Getih, Sang Bhuta Putih metu ring Papusuh, Sang Bhuta Kuning metu sira ring Ungsilan, Sang Bhuta Bang metu ring Ati, Sang Bhuta Ireng metu ring Ampru, Sang Bhuta Saliwah metu ring unduh-unduhan ing Hati, Sang Bhuta Kantara metu ring MAta, Sang Bhuta Tantra metu sira ring panjing, Sang Bhuta Kama metu ring Macepak. Ika pengangon sira Sang Hyang Yama, asing kepangan metu gring, metu upas. Kadyang apa pekatonania,

           Ana malih babhutania mangiyut ring awak, mangadakaken salah tan salah ujar, salah krama, salah rasa, salah ulah, makarep salah bikas, ndya ta temahania. Mangiwat, mangupas, mamaling, anayub, ambek, anumpung, andalu-dalu, anyenyirep, sawaneh yan ya anglangkar wang tuwania, anglangkar ring guru, mwang babu pingit, anglangkar wang wiku, yan ya anglamit ring guru mwang babu pingit. yan ya mada mwan anayab ing guru wadhu, saliwer angucap salah ing guru mwang bareta jog, yan ya anglalen somah rowang, yan ya angaku-ngaku bhudi tan patut. Yan ya wirasa rum amanis hatine teher arusit. Metu upaya singid angepet silib padrewya ning wang, inupaya niya den gawenan wicara, ginaweaken wiweka praya, mangkana pwa ulahing wang. Cendek tuwuhniya ikang wong mangkana, wirasa mika tan abener, ya ika mangawe mala, anemu sangsaya wang mangkana.

                Kunang ikan KRETA, JAKSA, PAKENCA, anilib rasa agamalewih, amiweka anibakaken tan tuhu mabener, wisesa. Tan patut ing pakerta agama, yan mangkana luwih dosanya tan kurang pati. Ya matemahan papa satuwuk, tan ana pamarisudhaniya. Kunang yaning lwih sabda, maku mawruha, asing pakon, tani pakon, ya juga ngangken wruha, mangkana prawertining wang, Dhanda Swara temahaniya, ya dadi bega tumitisaniya. Kunang yan dadi ya kita Penyarikan, kumet ademit, dhandaniya geng ring kepatianiya, mwang ring panjanmaniya matemahan branta-jnyana, tirido. Yan ya balian tanpa usadha, geng dhandaniya ring kepatianiya, Kuwang-Awak ngaran, Dhanda Karuban Bhaya, ketarukan ing bhaya, angaku dewa, angaku-aku pitara, angarupa tata ning pedas ring rasa usadha, Dhanda cendek tuwuhniya, satuwuhniya anemu sasar, nemu sasar wang mangkana. Padha betara mwang dewata anadha ya riya, tumut tang kala anandha ya. Apan ya kesaluk ring I Bhuta Kakeretan, dudu ulahning wang mangkana, nora anggange sepatutning usadha, mwang dharmaning padukunan, Mesah Kangundang ngaran. Dhandaniya kalebu ring pati wekasan.

                Ana wang maguna agama-gaman, sakwehning gagunaniya tan maka geng gugwaniya ring dharma sastraniya nguni, geng dhandaniya ikang wang mangkana, neraka kapejahaniya delaha, ndan tumitsaniya ngawetuang salah rupa, salah ulah, salah idhep, metu saenyahniya salah jeneng. Kunang wang mangeliyak, kajenek ing ULAH PAPA KARMA, Sad Tetayi, Anesti, Aneluh, Anerangjana, Angupas, Anyetik, Angeracun, Amati-mati wang tanpa dosa, mwang tanpa kanda yan ya angawe pati ning wang, angadu-adu, amipisuna, angadakaken nora, salwiring tan patut, mwang dursila ulahniya ring rat, polah angadug ring wang desa, Anilib Pati ning namaniya wang. Yan ya angada-ada dandha KARUBAN ING LANGIT wang mangkana. Kunang ring wang Krida Laksana Agamya-Gemana , yan taruna angalap balu, dhanda Koruh ring Para Atma, tan sah anandang prihati, tan pegat ring  wyawahareng sarat. Taruna amet sapihan dhandaniya anemu wirang, kinungkungan lara, kurang pangan. Sapihan apisan pengawak wisya, sapihan ping ro pengawak Dremba, sapihan ping tiga pengawak cetik, mwang racun, sapihan awor balu langkung ring ping tiga ika ngaran Kalika Maya, pengawaking Dhurga Manik, tan sipi wisesaniya, amignaning sang maka lakiniya, dosaniya cendek tuwuhniya, yan tan pejah kawignhan rahat, anadi buduh,kapiragan angilangaken kawibawan, kagunan, kapradnyan, mangkan phalaniya. Yan balu angalap Balu, katemu pada balu, dhanda Korup ing Durgha, tekeng luwun dadah ring pekaranganiya, matemahan Dengen, mwang Kala Durgha Merana, amigraha ring paumahaniya, ikang Dengen malingse, ya anadi leyak, dadi Moro, dadi tiwang Bebai, mwang sarwa Desti. Yan ya jejaka mwang Rara temuaken eng wang atuwa, padha tan akrama, padha awerat dhandaniya, ikang rara tuwa kadi segara laraniya, ikang jejaka tuwa kadi mgunung laraniya.

Kunang yan Sudra Wangsa mwang asing soran wangsa ikang laki atemu rasa lawan istri menaka, istri kasinggihan, werat dhandaniya kurang pati, terus tumus tekeng swa-wandhu warganiya, mwang sa-enyahniya karubaning dhanda, kadi we mili patemenganing lara prasangsa ring awakniya. Yan wang Welaka angalap Wiku wastu tibeng  walahar lebur sagunaniya, tuwi angelancubi wang wus Wiku, geng werat dhandaniya, sapretiwi lawan akasa bwating papa  tinemuaniya, saterehning angemasin kesakita tekapniya. Yan wang wiku angalap walaka geng dhandaniya, wastu tibeng walahar, lebur sagunaniya, ilang dharmaniya, mur ikang athaka widhi ring sariraniya, saluiring amertha matemahan wisya, amilara ring awakniya.

                Yaning wang wadon lobha ring wong lanang, yan ya anglosi guru-lakiniya, amegat sih ning kakung, mapa ri kapejahaniyadelaha, tumitisaniya wurung anadi manusa, ya anadi asu wadon, kena kepastu dening guru pitara, muwah katemah dening Babu-Pitara, mangkana wang tuminggal ing priya, dudu ulahing wong mangkana, kudu niyan auriptan weruha ring kanda jati, tan wruha ring kandaning kepatian, kewala ya wruh ring mangan juga, sakteng sanggama, marmaning dadi angkara karope, apan ya kena upadrawa, kena sapaning dewa, terus teka kapatining wang mangkana kalebok ring kawah, bwat sengsaraniya, tan sah sira karigeding mala, salwirning ila-ila, papa-klesa, dursila, teka ring patiniya sasar bwat nerakaniya. Yata setata salah ukur, salwir ikang inucapniya tan bener, bwat sasarniya ika, akweh wirasa sawud saabdaniya tan ririh, ilar-ilar lathiniya, sarasaniya salwiring tan yogya tinut ring wang tingkahing janma tan patut, dudu janma kalinganing mangkana, ya nganran Tunggak Sema, Tunggak Wareng, Urpati ngaraniya, kena kagni-baya, kepanca-baya, katoya-baya, keraja-baya, karipu-baya, mwang karubuhan taru, kaloka-pala, kasimpanganing ulu-dusta, kasimpanganing tayeb, uluku maka pepetan silik, kareka-baya, ikang janma kurang pakerti, kawitaniya kena dase dhanda desa, matangniyan ana kakareniya kang kalebu pati, mati rare kabebeng, kapegatan sih, cendek tuwuh, katiban hukuwung, mati megantung, mati makendat, kegantungan mala, ika kabeh janma ila-ila, KURANG PAKRETI ngaran.

                Ikang ingaranan pabratan anadi janma, akweh malaniya, akweh laraniya, marma ning akweh pakretiniya, akweh dosaniya, akweh dhandaniya abwat adangan, ginangsal ira liniketing surat kapatyan, surat nga, ling ira sang hyang atma, rikalaning kapatiyan ta ingadang atmanta de nira Sang Hyang Yama-Dipati, maloih aran Bhatare Brahma, umungguh ring Gni Loka, tinakwanan ta Sang Atma, ling ira"Ana surat ginawanan ta ngunitekaning urip, duk inguni mwang pati, ikang tullis panugrahan nira Hyang Sinuhun". Dadi ta kahenengan sawuwus nira sang Hyang Yama, dening Atma wimuda, tan wruh i kalinganing raga sarira, apan ikang janma kabeh wus asurat prawertiniya anadi manusa, yan ahala mwang ahayu prawertiniyamangkana linging Widhi. Kalinganing kang tulis nguni ika ne anglukat angelebur malan ikang janma kabeh, wus asurat, ikang akweh dosaniya, kinon de nira Sang Hyang Yama angelebokaken maring Yamani, maring Brunah, abwat adhangan ikang dosa, sama kegantungan dhanda, wekasan metu larane dadi bisu, tuli, kalimance, kilanden,pengpongan, samangkana dhandaning wong, apa ya salah arep kaluhuraniya, marmaning samangkana panjanmaniya abekel lara mala, mwang laraniya nga, kerangan, nyulakrik, lupa, kuming, beluh, kaladan, ebuh, busung, deyog, dongkol, lekem banyu, kipa, dopang, wudug, basur, latek, sakel, kejar, mati wala, nebujali, kipkih, bekung, belaburan, salah patiedan-edanan, ika sekarananiya kabeh gering winawaniya tumuwuh, ya angawe mala, angawe lara, maka dhandaniya anjanma ta mangke, ika kabeh pada linebur, pada lukate, mulih maring Dharma Loka mwah, terus maring Wisnu Loka de nira Bhatara Brahma-Wisnu, winastu dening Bhatara Guru, samangkana pwa ya yan arepa rahayu terus panjamanta, tekeng patinta dalahe, marmane tawurane dhanda dosaning anjanma, mwang dhanda patinta. Ana pamarisudha niya pamurna nika kabeh, panebasan kadi asakapan, ANILAPATI nga. Yata tinuta panugrahan nira Sang Hyang Lebur Sangsa, Bhatara Brahma pasanggahan nira, sira sang kangken apande besi, anganakena ikang sarwa janma ring merca pada, tumut Bhatara Wisnu sang maweh ana dhana ring panguripanta, makadi sira Hyang Parameswara, sredha sung nugraha umuripa pangjanmanta, mangkana juga rahayu tinemunta kataka tekeng dalaha.

                Yan sira arep anjanma rahayu, ikang tutur jiwa den atatas, awya alpaka, awya bancuri, kalinganing raga sarira pradata kna, ikang AJI AKSARA, mwang SASTRA SASMRETI den keraksa, den tinut, Igama den pawitra, den aterang-apadang, Inagamanta lagya urip, pakreti mden abener, den rahayu laris nira sakeng Parama-Jnana Suddha, ring Dalem ri heng, bhawa mwang laksana nira den apageh, awya tan prayatna kita, sapewretining ulah inarjanma maran rahayu, apan masengka yan ya kadalurung tiba maring ala, abhipraya waluya kena muwah kayeng nguni, kadyanganing wijilning jawa sanunggal, wut pinarah satus. lebokakna ring samudra, dahat masengkaniya, awali ya matemahan awiji muwah, mangkana kasuwening wong dosa, tiba ring mala kataman dhanda Anilapati, ewuh yan waliya rahayuniya, yan tan maka sihning Widhi juga.

Yan sira arep rahayu , kumwa ling Bhatara munggwing sastra yeki ta kayatna akna, age ta kita penahurana dhanda pati, atebas-tebasan kramaning penahuran, tingkah kadi pesakap-sakapan, angarepin sanggar klamulan, lwir bebanteniya : Panyegjegan asoroh, saha lanlanan guling pebangkit asoroh genep, mwang gelar sanga, bagya-sugih, sekar taman pula gembal, suci gede 2 soroh, daksina gede genep saupakaraning daksina dagingnya, sarwa pat-pat pangisianiya. Banten mungguh ring sanggah kemulan : suci gede asoroh, saha dandanan niya, prascita luiwih, rayunan putih kuning, iwak itik putih ginuling, sesayut limang warna, lwirnya : sesayut sambut urip, sesayut atma rawuh, sesayut pangeleburan mala, sesayut dirgayusa, sesayut sidapurna. Peras pengambyan, tulung metangga, tulung urip, pakekeh tadah sukla, pisang kembang, pisang jati, mwah sega butur metatakan priyuk anyar, berasniya galih sineruhan ping 11, misi we cendana, duk angratengin tingkah kadi angliwet sajining pitra. wusniya rateng unggahakna ring sanggar kamulan, tekeng priyukniya, mwang sangku sudhamala, misi toyo mautama 11 swahan, bija kuning, sekar warna 11, pada mungguh ring kamulan. mwah ngadegang sanggar tutuan, munggah banten ardhanareswari genep saupakaraning banten, lwire : pengadegan banten, daksina gede sarwa pat asiki, peras pengambiyan, lanlanan lis, suci gede putih kuning pada asiki,  suci pengatur paturwan 1, rayunan prangkatan putih kuning 2 pajeg, iwak itik ingolah, pajegan  suciniya maiawak itik ginuling, muwah maka duluraniya siwa-bawa, cucuk buhu, citro-gotro, citra-gotri, kembang pisang, puspa pejati, tadah sukla, dewa-dewi, prayascita luwih, sesayut sambut urip, atma rawuh, pbresihan wastra peradegan duwang pradeg, putih kuning, putih laki, wadhu kuning, canang tangkepan, we anakan sinadahan priyuk anyar, misi lalang pranawa 108, mwang lingga lalang, kusa wel mingmang 12 wiji, dadi asiji, sekar urik, tunjung putih kang utuh, ring areping tutuan pasang akna, pasang ikang pesaji-saji, mwang panebasan rateng mentah lwirnya : sajin pangon ; sega sagulung, iwaknya jejatah calon, balung katupang, beras catur warna. Sajin Sang Nila -paksi : antiga roro, dengdeng hati sasrepitan. Sajin Sang Asu Gaplong : sega sagulung, balung gagending. Sajin Semut - sagodel mwang ngos-ngosan : gula barak, nyuh sacukit. Sajin Widyadari : sarwa kembang, mwang subeng 108. Sajin Alas : sega sagulung, nasi angkep, taluh dadar, katipat akelan, iwak jatah, pesor akelan, iwak taluh, sega akepel, be  balung bolong tinutuping ceeng ulihan sacengkang  

 Bersambung............