PUPUH
SINOM
1.
BANTEN
PEJATINE BAHBAH
MANUT LONTAR YADNYA SUCI
BLIGBAGANG RIKALA SENGGANG
APANG ELING TATAS UNING
PAINDIKAN SRANA BHAKTI
RING SASTRANE ADA MUNGGUH
NUTURANG SEHANAN LAMPAH
ANE PATUT KETATASIN
SIDA ANUT
TATUJONE KEAPTIANG
2.
PEJATINE
PATUT GELAR
NE
MEDASAR ANTUK JATI
JANGKEPIN
KALA MEKARYA
KETEKANE
APANG PASTI
KAPERTAMA
SROBONG YUKTI
MAKA
CIHNA GUMI DITU
RARIS
ADA TAMPAK LIMAN
SIMBUL
RWA BHINEDA YUKTI
LAUT
TUUN
BERAS
BAYUNE ARTIANG
3.
MANGKIN
PANGINE TEDUNANG
NIASA
SEGARANE SUCI
POROSAN
CIHNA MANUNGGAL
KELAPANE
MATAN AI
GEGANTUSAN
DAGING BUMI
PESEL
PESELANE MILU
MAKA
LAMBANG DEWA MANCA
TINGKIH
MAKA BINTANG IKI
BULAN
TALUH
PIS
BOLONG BENANG LAN CANANG
GINANTI
1.
DAKSINANE
SAMPUN PUPUT
JANTEN WENTEN JANGKEP MALIH
BANTEN PERAS SANE SARAT
SODANE KATUR SUJATI
KELANANE PANYUPATAN
PENYENENG ANGGEN NGULATI
2.
WENTEN
MALIH SANE KATUR
RERASMEN BANTEN PUNIKI
KACANG MEDAL RASA TUNGGAL
KOMAK KALIH DADOS SIKI
ULAM IWAK RAOS BANBAN
SARWA WIJA GAWE YUKTI
3.
INDIK
JAJE TALER MUNGGUH
JAJE GINA WERUH BHAKTI
ULI BARAK PUTIH GUNA
DODOL CITA SATYA YUKTI
WAJIKE RASA MESASTRA
BANTAL SATUH KARMA PASTI
GINADA
1.
DAKSINANE
SANDANG TAWANG
MAKA LINGGIH SANG HYANG WIDHI
TRIO DASA SAKSI NGARAN
DAGING GUMI DITU MUNGGUH
TLULAS BESIK KESARATANG
APANG MISI
NENTEN PESAN DADOS KUWANG
2.
WENTEN
MALIH ATUR TITIANG
RING SEMETON SARENG SAMI
DAKSINANE KEPAH LIMA
DAKSINA ALIT SIMALU
NYABRAN YADNYA PASTI MUNGGUH
NORA YUKTI
MAKA SAKSINING ACARA
3.
DAKSINANE
NOMER DUWA
PEKALA KALAAN BHAKTI
RIKALA MANUSA YADNYA
DAGING NYANE DUA DITU
MAKA LAMBANG RWA BHINEDA
SANDANG WRATI
MANGDA SIDA MAPAHALA
4.
SELANTUR
DAKSINA KREPA
ANGGEN PEJANGKEP PIRANTI
UPACARA RSI YADNYA
KARUNTUTIN SOROH TELU
SANG HYANG TIGA DADI NUNGGAL
MANGDA BECIK
TATUJONE KEAPTIANG
5.
NOMER
PATPAT LAN LELIMA
PAMOGPOG GALAHAN YUKTI
RING ACARA DEWA YADNYA
UPAKARA SANE AGUNG
SOROH PATPAT LAN LELIMA
APANG PASTI
KASIDIYAN UTAMAYANG
6.
UJAR
MENAK JUA KAWEDAR
MANGKANA PARIKRAMANING
SANG NGAREPANG KARYA MELAH
MANGDA SIDA MANGGIH AYU
SIMPANG BUDINE KAONANG
TUR KELIDIN
MANAH KRODANE ILANGANG
7.
UDUH
SANG UMARA YADNYA
NALER SANG PARAMA BHAKTI
SANG AKINKIN KERTI YASA
NGUNI KITA SANG ANGGADUH
RENGEN AKEN LINGKU MANGKE
SUN WARAHI
PARIKRAMANING SANG BHAKTA
GINANTI
1.
MANAH
LEGA DADI AYU
AYWA NGELEM DREYA IKI
MUWANG MANAH GAMUGUTAN
KALILIRANING WANG TUWI
AYWA MENGAMBEKANG KRODA
MUWANG UJAR GANGSUL YUKTI
2.
AJA
SIRA TAN MITUHU
RILING NING SASTRANE IKI
NIMITA KWEH IKANG YADNYA
SAPTA YADNYA WUWUS PASTI
ASWAMEDA SIWA DEWA
MANU BHUTA PITRA RSI
3.
SAMADANIA
YADNYA IKU
PADA LUWIH TINEMUNI
PALANING YADNYA UTAMA
PATEMWANG KUNANG RI HATI
AGAMA UGAMA IGAMA
PAMURTYAN SANG HYANG TRI SAKTI
4.
TAN
WENANG PACANG LUMAKU
YAN TAN NGANGGE TATWA AJI
IKA NGARAN YADNYA BUTA
TANPA SOLAH AYU TULI
RUMPUH IKU TANPA YADNYA
APAN SUKSMAN ANGGA YUKTI
