LONTAR TENUNG PEWACAKAN RARE

 

PEWACAKAN RARE
1.b.Om Awignam Astu Nama Sidham, Nihan Panca wara mawetwaning wang, UMANIS
wetuning rare dewania Iswara, baya kalania 5, wenginia salek, bisa lungguh, bisa alayu,
sumrangsang maka jejaka, anak pisan akuru denia anglaranin, tetebusania tumpeng 1, iwaknia
tatukonan pejagalan, jejatah calon, katupang, rumbah gile, sasak mentah, jangan daging
sapangilingan, gegodoh tumpi, sambat Sang Sedahan Semaya, kabelaning indung bajangnia, Grih
agung, lembaran ayam, mwah tebusin ring dalan mangetan, sekul penek, rumbah gile, sambat
Bhuta Doh aken, PAING wetuning rare, dewania Brahma, bayakala-
2.a. nia 3, wengi salek, angadeg kantap, lumage lage, manak pisan pejah, mising larania, tatebusnia
tumpeng 1, jejatah calon, rumbah gile gagodoh tumpi, sambat Sang Sedahan Semaya, kabelaning
Indung Bajangnia, katupang agung, balung gagending, mwah tebusin ring dalan mangidul, sega
sapenek, iwak ayam mepanggang, sambat Bhuta Pangkah, PON wetuning rare, dewania
Mahadewa, baya kalania 9 wengi, mwang 9 lek, acawet, aputu pejah, lengeng denia nglaranin,
tatebusania sekul pucu kulak, iwaknia jejatah calon, gagodoh tumpi, sambat sang sedahan sema-
2.b. ya, kabelaning indung bajangnia, rempah waduk, jejatah meme, mwah tebusin ring dalan
mangulon, penek 1, iwaknia jejatah calon, rumbah gile gagodoh tumpi, sambat Sang Bhuta
Panguwak, WAGE wetuning rare, dewania Wisnu, bayakalania 5 wengi mwang 7 lek, bisa
lungguh lumampin lampin, rumaja putra penganten pejah, tan arep amangan , we nia manglaranin,
tatebusnia sekul kinokoh, sambat Sang Sedahan Semaya, kunang kabelaning indung bajangnia,
sata ireng linembaran, bebeneman siyungan, tebusin ring dalan utara, penek 1, pepanggang ayam,
sambat Sang-
3.a. Bhuta Wira, KLIWON wetuning rare, dewania Siwa, bayakalania 7 wengi, 8 lek, amalayu,
acecawet, babeger babelen ping 4, aputu pejah, mangluwe denia, anglaranin, tatebusania tumpeng
1, iwaknia grih gatel, pepanggang ayam, sambat Sang Sedahan Semaya, kabelaning indung
bajangnia, gagodoh tumpi, gring agung, kapiting, katupang agung, sarwa kweh, mwah tebusin ring
lebuh, penek 1, iwaknia grih kapiting, sambat Sang Kala Prayoni. Nihan bayakala anut Panca Wara
mwah panebusania, UMANIS wetuning rare, baya kalania 7 lek,
3.b. bantennia sekul punjungan, sata putih pianggang, wewudu grih, jangan kulub ranti, tape sekul,
indung bajangnia babu juru, ikang ngamong babu tan endah, pupukin dukut lepas, utangnia 505,
PAING wetuning rare, baya kalania lumampin lampin, lamur, bantenia, sekul punjungan, sarati
ayam wiring pinanggang, sambel kameri, jangan kulub lambayaung, indung bajangnia babu
jenggi, kang ngamong babu Pangguh, pupukin dukut lepas, utangnia 909, PON wetuning rare,
bayakalania bisa ngucap, melayu, bantenia, sekul punjungan-
4.a. ayam putih kuning pinanggang, balung gagending, katupang agung, wewudu grih, isen isen
papare, ssambel jahe, lalab ranti, jangan turi kinulub, sambel lawos kinamberen tan tineresan,
indungin bajangnia Babu Ulad-alid, kang ngamong Babu Adi, pupukin dukut lepas. utangnia 700.
WAGE wetuning rare, baya kalania bisa ngucap, pasangon, panganten, bantenia sega punjungan,
sekul aron aron, balung gagending, calon agung, jangan pepe megrang asem, sambel jahe, indung
bajangnia, Babu Sugih, kang ngamong Babu Wira, pupukin dukut lepas, utangnia 400.
4.b. KLIWON wetuning rare, baya kalania ajejangkong, melayu, bisa bebed, bantenia sekul
punjungan, sato brontok pinanggang, ulam bawi ginerang asem, antiga, jangan kulub pepe, sambel
saang, indung bajangnia Babu Rokoh, kang ngamong Babu Prayoni, pupukin dukut lepas, utang
nia 800. Nihan wateking Oton anut Sapta Wara, REDITE wetunia, dewania Betara Indra, kalania
Anggapati, Bhutania Bhuta Yaksa, kayonia kayu putih, manuknia siyung, wayangnia Panji,
lintangnia Lintang Tendas merengreng, panes pawetuania, penyakitnia, langu, mrapah, grah,
panes, tis, lesu, ngibuk, kahangan,
5.a. nglepuyeng, yan wadon pejah aweka, yan lanang doyan ngamuk, ika nangih caru, I Bhuta
Anggapati, bras 5 catu, jinah 500, lawe 5 tukel, antiga 5 besik, kelapa 5 bungkul, punti 5 ijas,
dadosang asok, Sesayut Kasuma wati, nasi putih, sata putih tulus, pinanggang,basa mica ginten,
sekar putih 5 swahan, katrur ring Paibon, wus katur ayab ping 5, yan tan tinawuran buat larania
teka. SOMO wetunia, dewania Betari Soma, kalania Durga, Bhutania Catus Pata, kayunia Pule,
manuknia Jangkung, wayangnia togog, mayania ulan, lintangnia-
5.b. lintang pedati, ika nagih caru, bras 4 catu, jinah 400, benang 4 tukel, antiga 4 besik, nyuh 4
bungkul, pundi 4 ijas, dadosang asok, Sesayutnia Cita Rengga, nga, sekul ireng sata ireng
pinanggang, pecel basa mica ginten, pupukin sesawur, katur ring paibon, sambat Sang Hyang
Betari Soma, wus katur ayab ping 4, yan tan tawurana akweh larania teka, gendeng gendengan,
rumpuh, lesu, sakit basang, ibuk, ngamu ngamu, sarwa sandinia lara, patinia doyan singet banteng,
yan wadon pejah kakenin tiwang, yan tawurana, dreaman, sugih sihin kadang, enduh larania,
kinasihan dening ratu,
6.a. ANGGARA wetunia, dewania Betara Ludra, kalania Barong, Bhutania Bhuta Ngomel,
kayonia candigara, manuknia gagak, wayangnia cupak, mayania api, lintangnia lintang Jong Sarat,
sarat mawa lara, ika nagih caru, bras 3 catu, jinah 300, benang 3 tukel, antiga 3 siki, nyuh 3
bungkul, punti 3 ijas, dadiang asok, sesayut Wira Kasuma, nasi jingga sata wiring kuning pinikang
pukang ginoreng, malih winangun urip, sekar putih, kuning, bang, katur ring Paibon, sambat
Betara Ludra, Pengambeyan adulang katur ring taretepan, wus katur ayab ping 3, yan tan
tinawuran-
6.b. tanpa sla rogania teka, rumpuh, koreng , nyakitang basang, ngibuk, langu, ngreges, watuk,
perot, anyang-anyangan, medal rah sapanangkan, tuju, menek tuwun larania, tiwang, patinia jat
anyud, ala otonia, yan wang kroda kinekes sawurnia, ngambres ambres, ala carania. BUDA
wetunia, dewania Betari Uma, Kalania raksasa, Bhutania Bhuta Ulu Kumba, kayunia bunut,
manuknia dara, mayania pertiwi, lintangnia lintang kris, penyakitnia slenag sleneg, parang, buyan,
sangar, puruh, grah mrapah, ngibuk, kepek, lesu, caket, enek-
7.a. jangkel, runtag, ika nagih caru, bras 7 catu, jinah 700, benang 7 tukel, antiga 7 siki, kelapa 7
bungkul, pundin 7 ijas dadosang a Sok, Sesayut Purna Suka, nga, nasi kuning masesawur, samsam
delima kwanta, sata putih syungan, pinukang pukang ginoreng winangun urip, sekar putih kuning
mapucuk tunjung, katur ring Paibon, wus katur ayab ping 7, kapejahana jati wang yan wadon, jat
mati anyud, apanes wijilnia ,nga, WRESPATI wetunia, dewania Betara Guru, bhutania Bhuta Ulu
Singa, Kalania Sang Dora Kala, kayunia waringin, manuknia swari, wayangnia Semar,
7.b. mayania lwang, lintangnia Bade, mwang Lintang Salah Ukur, ika ngawe gring kaplan plan,
akweh larania nagih caru, bras 8 catu, jinah 800, benang 8 tukel, antiga 8 siki, kelapa 8nbungkul,
punti 8nijas dadosang a Sok, Sesayut Kasuma Gandawati, nga, nasi dadu, ayam wangkas pinukang
pukang ginoreng, winangun urip, peresin toyan tebu ratu, malih pengambeyan iwaknia yan lanang
bebek lanang, yan wadon ayam wadon, sekul panganang bantal, bantal panganang iwak, apan
panudaning salah ukur, katur ring kamulan, wus katur ayab ping 8, akweh larania, ngutah mising,
nglempuyeng, enek, ngibuk-
8.a. sring kanin, nyakitang basang, runtag, sangar, sarwa sandinia lara, katepuk tegah, grah watuk,
sring katiben ipen ala dening bhuta kala ika amirudayan tan tawurana meh pejah ring prang
pwarania, yan wadon sama kapejahania, apan dahat mahala wetunia.SUKRA wetunia, dewania
Betrai Sri, kalania kala Ngomel, Kayunia wreksa raja, manuknia titiran, wayangnia sangut,
mayania tirtha, lintangnia kaparebutan, lintang banyak akrem, ika amilara nagih caru, beras 6 catu,
jinah 600, benang 6 tukel, antiga 6 siki, kelapa 6 bungkul, punti n6 ijas dadosang a Sok. Sesayutnia
Liwet Raja Putra,
8.b Rajabire, sekul inaru dening we cendana, matajer tunjung biru, sata klawu bulu abu, pinukang
pukang ginoreng winangun urip, sekar naga sari, yan nora tawurana akweh gring nia teka, lesu,
nyakitang awak, mrapah, panes tis, langu mangurek, huta netrania likad, busung kahangan, tuju
rasa, nglimid, kudis, gontek, edan, koreng, pemali, tan meling aweh gawe, kapejahania sininget
banteng, kadurgan, yan wadon ayan inacep dening desti, yan tawurana ika dreman akweh
kadangnia asih, sri teka, tawurana ring pahibuan, wus katur ayab ping 6, SANISCARA wetunia,
dewania betari Durga Dewi, Kalania-
9.a. Kala Dewa, Bhutania Bhuta Ulu Gagak, mwang barong petak, kayunia kepuh randu, manukia
kutuk kutuk, lintangnia lintang Ru, wayangnia delem, ika amilara, penyakitnia seranduning awak,
nglempuyeng, nyakitang basang, rumpuh, bengang, sangar, kores, parang, linyud, huta, tuli, ndan
wirangen polahnia, tan kawenang katumperan swara, penyakitnia serandaning awak, nagih caru,
bras 9 catu, artha 900, lawe 9 tukel, antiga 9 siki, klapa 9 bungkul, punti 9 ijas, dadosang asok,
sesayutnia, Kasuma Yuda, nga, -
9.b. sega abang, sata wiring kuning, pinanggang pinukang pukang linembaran mallih winangun
urip, pinecel mica ginten, presin we tebu cemeng, sampian andong bang, sekar 9 swahan, katur
ring paibon, wus katur ayab ping 9, yan tawurana sri artha wredhi, kinasihan dening kadang
dreman, yening lanang kinasihan dening ratu, yan tan tawurana ika larania teka, kapejahannia
aprang, yan wadon alabuh her mwang rinancab. Nihan Tenung Sapta Wara pawetuaning wang,
REDITE wetunia, semu sweta rupania, panjang wedanania, empeg rambutnia, gilik pawakania,
sada andap pengadegnia, kinasi-
10.a. haning wang, doyan aguguyon, Cesta Kareng Laku, widagda ring ujar, pradnyan, ameng gita,
tan kareping gawe, dharma wipata sakeng wadon, dewania Betara Sakra, kayunia kayu putih,
manuknia siyung, lintangnia tendas merengreng, kalania Dora Kala, Bhutania Catus pata, apanes
pametunia, akweh larania, kapidanda ring Hyang Guru ring Kamulan, dening ana sosot tuania ring
kuna, sang Pitara sareng nyakitin, gringnia anglayung, gembyanan, tan pegating tukar, lawan anak
sanaknia, tan pegating sembar, kapidanda dening Kumpinia, kapihutangan ring Kamulan, wenang
tinulung larania pe-
10.b. ngeng, tamba, sarana dumlan base, mesuwi, upin gidatnia. yan agrah awaknia, tamba sarana,
kapkap, gamongan bras mes, sembar awaknia kabeh, yan apanes bilang wengi, tamba sarana,
rwaning awar awar, lunggahing pancar sona, rwaning dapdap, rwaning empag, nyuh tunu, kla usug
akna, yan anglupa tan arep amangan ngibuk awaknia, macek macek tan kawasa sirep, tamba
sarana, carman ancak, isin rong wedsak akna, se tulang jwi, tamba sarana, jajar tanah, temu tis,
isin tingkih metambus, bawang adas, yan madyania lara tamba sarana, carman dapdap, nyuh tunu,
sari lngid tahap, yan edan tamba sarana dahusa kling
11.a lili gundi puh irungnia. yan awaknia pecebleg kadi gatel, tamba sarana, rwaning tingkih, woh
tingkih metambus, kapkap, nyuh tunu wedak akna. Lolohnia, sarana, bras bang, bawang tambus,
tahap, mantra, Ong atma dara sarwa gata, widhi swaha. yan wadon pejah aputra, yan lanang pejah
ngamuk, Tebasin wastra saperadeg, ngaturang bhakti ring dewa, mwang ring pitara, ring Ibu, bras
5 catu, jinah 500, benang 5 tukel, antiga 5 siki, kelapa 5 bungkul, punti 5 ijas dadiang a Sok,
Sesayut kasuma wati, nga, Sesayut Kasuma wati, nasi putih, sata putih tulus, pinanggang,basa
mica ginten, meda-
11.b. ging sesawur sekar putih 5 swahan, katrur ring Paibon, wus katur ayab ping 5. SOMO
wetuning wong, dewania Betari Soma, rupania bengah, adegnia lemet, bang weninia, cunguhnia
bengkak, tajep alisnia, bebe lambenia, cicing isitnia, blado badosnia, wayahnia sakeng lanang
anjaatma, Kalania Kala Jrang, Bhutania Ulu Kebo, kayunia pule, manuknia jangkang, wayangnia
togog, mayania wulan, Lintangnia naga mwang bhuta banaspati, amilara, ndaning pangangswan
sangkaning lara, swapraptane maring umah, aturu pwa sira, kaleswan asamun idepnia, rasa tanpa
jiwa, tan arep amangan, Beta-
12.a. ra Kawitan nagih palinggih, gedong sari mwang kapidanda ring Kamulan, dening sesangi
ngaturang suci 2 soroh, ring kamulan, wayahnia, mwang klabnia, kesakitan, ika amilara, larania
nyakitang awak, mwang lwang semutan, ngancuk ancuk, enek, puruh, koreng, anyang-anyangan,
tamba, sarana, base nguda, mesui, tambel gidatnia, Lolohnia muncuk kacemcem, isen kapur,
bawang putih, juuk, cuka tahun, yeh cendana, timbung, tahap, wedaknia, sarana warsiki ping, isin
rong gegambiran, we cendana. wedak suku, sarana, rwan juuk, bawang bang, rwan pule, tri ketuka.
urap, rwaning nyambwer putih, bwah-
12.b. jebug, bawang adas. tebusin ring kamulan, Sesayut Cita Rengga. nga, sekul ireng sata ireng
pinanggang, pecel bawang jahe presin tebu cemeng, sekar ireng 4 swahan, tajerin tunjung biru,
segwan 11 tanding, sesantun artha 400, bras 4 catu, lawe 4 tukel, antiga 4 siki, kelapa 4 bungkul,
pundi 4 ijas dadiang a sok, wus katur ayab ping 4. ANGGARA wetuning wang, lumbang karnania,
inggel rambutnia, sada gsang, semu bang awaknia, lemes tipis bibihnia, sade sedep, batis curik,
siku kluwang, dewania Betara ludra, wayangnia cupak, kalania durga, Bhutania Banaspati-
13.a. lintangnia celeng, ika amilara, larania, prapta maring dalan, kumpinia lanang apihutang ring
kamulan, guling aji satak, lamakane ana sosot, angrebatin druwen kumpinia, ika sangkaning lara,
aneng sawah kapejahania, hing kuna durung kalukat, ika wenang mangke linukat. ngreges larania
bilang sandi pakenyednyed, watuk, tamba serana, myana cemeng, sulasih merik, dumlan pule,
sumanggi gunung, sekar blimbing buluh, montong isen, temu tis, nyuh tunu, sari lungid, tahap.
kunang yan sula, lara weteng, lara madya, lara netra, rumpuh, koreng, brung, suku pakeplusplus,
tamba, srana carman wreksa raja, pula sai, si-
13.b. ndrong gegambiran, we cendana, sembar, Malih sembar lara weteng, sarana, carman pule,
carman dapdap tis, nyuh tunu, sari lungid. malih rwan kasimbukan, atin isen, tri ketuka, we
cendana. Tebusin ring kamulan, bras 3 catu, artha 300, antiga, klapa pada 3 bungkul, benang 3
tukel, pisang 3 ijas dadosang a sok, Sesayut wira Kasuma, sega kwanta, sata wiring kuning
pinukang pukang, ginoreng winangun urip, samsam rwaning landep landep, sekar 3 swahan. wus
katur ayab ping 3, yan tan tawurana bwat larania teka. BUDA wetuning wang, tebel rambutnia
lemes, tengah bibihnia, imul polahnia-
14.a. sring anglinyok, reramania anjatma, sakeng wadon, dewania Betari Uma, wayangnia wirun,
kayunia bunut, manuknia dara, satonia lembu, Kalania Anggapati, Bhutania Ulu Kumba, mayania
pertiwi, lintangnia lintang kris, sring metatu, galakin desti, mwang pemali, sring pinerih dening
teluh, nyapnyap, gleh, nipdip, ana sotsot wayahnia di Kamulan, amilara, miskin sakin asosot,
Inggih Betara ring Kamulan yening titiang madruwe titiang sanggup mengaturang guling aji satak,
durung ketawuran mangke sentanane kesakitan, pinonggor dening Hyang ring Kamulan, larania,
pengeng, tamba sarana, adas, pepe-
14.b. pipis akna, yan kerasa anyang anyangan, tamba sarana, urapnia empol pandan, muncuk
malinjo, bawang adas. Yan nyakitang basang, tamba sarana, selasih merik, isen, asaban cendana,
we jeruk tahap. Tebusin ring Kamulan, bras 7 catu, jinah 700, benang 7 tukel, antiga 7 siki, kelapa
7 bungkul, punti 7 ijas dadosang a Sok, Sesayut Purna Suka, nga, nasi kuning masesawur, samsam
delima kwanta, sata putih syungan, pinukang pukang ginoreng winangun urip, presin we tebu ratu,
sekar putih kuning, sekar 7 swahan, patlasania sudamala, wus katur ayab ping 7, kunang dadoyania
ngedohang nambut ga-
15.a. we, pradnyan, wicaksana, sugih dana, kapejahania mayuda. WRESPATI wetuning wang,
semu sweta, panjang adegnia, memes polahnia, pagehing budhi, wayahnia amanjadma, Hyang
Guru amilara, asosot ring Kamulan, wastra saperadeg, anaknia lara ing kuna, kunang dewania
Betara Guru, wayangnia semar, kayunia waringin, manuknia merak, satonia macan, Kalania
Anggapati, Bhutania Ulu Singa, larania, kateluh moro, ngutah mising, lara weteng, tuju bayu,
nglempuyeng, perot, jangkel, sakedap buduh, dekah, sembar dada, sarana, padang lepas,
gamongan, bras mes, isin tingkih, sembar weteng sarana ku-
15.b. nir, musi, kepasilan, lolohnia, sarana, wading duwet, wading sleguwi, wading kanangga,
remek daging sinrong gegambiran anom, we cendana. wedaknia, sarana, rwan dapdap kuning,
rwaning kwang, krikan majegawu, isin rong wayah, we cendana. wedak sukunia, wading tuju
masna, luwun pempatan, tri ketuka. Tebusin ring Kamulan, bras 8 catu, jinah 800, benang 8 tukel,
antiga 8 siki, kelapa 8nbungkul, punti 8nijas dadosang a Sok, Sesayut Kasuma Gandawati, nga,
nasi dadu, ayam wangkas pinukang pukang ginoreng, winangun urip, metajer kwangi 9, sekar 9
swahan, pengambeyan adulang, iwak-
16.a. nia yan lanang bebek lanang, yan wadon ayam, wus katur ayab ping 8, sega panganang
bantal, bantal panganang iwak, panudaning salah ukur. SUKRA wetuning wang, pengadegnia sada
ramping, bontok karnania, jahang rambutnia, alep tingkahnia, dewania Betari Sri, wayangnia
sangut, kayonia ancak, kalania Kala jrang, Bhutania Bhuta Ayu, mayania yeh, lintangnia
kaparebutan, ika amilara, sanggahnia rusak, wayahnia kapanesan, ana sosot di sanggah kamimitan
olih wadon, larania tambis pejah, ika nagih tawurin, mekarya ring sang-
16.b. gah, larania kena teluh, dening wong walu, habet wirya, semutan ngancuk ancuk, sarwa
sandi, grah, mrapah, ibuk, nglepuyeng, ngreges. Lara prana, tamba, sarana, bebek prana, carman
kepah, rwaning nangka ijo, tri ketuka, carman clagi, sinangga, lolohnia, sarana, rwaning sembung,
rwaning pule, sulasih merik, myana cemeng, santen we jruk purut, isin rong gegambiran, kuskus.
sembar awaknia, sarana, dahusa kling, jajar tanah, temu tis, tingkih metambus, ketumbah, bawang
adas. Tebusin ring Kamulan, beras 6 catu, jinah 600, benang 6 tukel, antiga 6 siki, kelapa 6
bungkul, punti 6
17.a. ijas dadosang a Sok. Sesayut Rajabire, sekul inaru dening we cendana, matajer tunjung biru,
sata klawu bulu abu, pinukang pukang ginoreng winangun urip, sekar cempaka kuning, wus katur
ayab ping 6. SANISCARA wetuning wang rupania sada bang, adegnia sada lanjar, mepek
sukatnia, gesang rambutnia, jegjeg bikasnia, manuh polahnia, kumpinia di mindon anjatma,
dewania Betarai Durgha, wayangnia Delem, kayunia Kepuh, manuknia gowak, Kalania Barong,
bhutania Raksasa, mayania kalialah, lintangnia lintang tarung-
17.b. larania nyakitang awak, nyakitang basang, nglempuyeng, pemali, basang boboh, kepek,
ngetor, gatel, brung parang, tamba, sarana, juuk purut, juuk lengis, isen kapur, temu tis, temu poh,
we cendana, sulasih merik, myana cemeng, tahap. wedak suku, carman tibah, cabe bun, bras bang,
tri ketuka. sembar weteng, sarana kapkap, tri ketuka, bwah jebug, Wedak raga, sarana carman
ancak, katumbah bolong we cendana. Pranania, sarana, carman kepuh, jebug harum, rwaning
nangka ijo, tri ketuka, bebekaken. Tebusin ring kamulan, bras 9 catu, artha 900, lawe 9 tukel,
antiga 9 siki, klapa 9 bung
18.a. kul, punti 9 ijas, dadosang asok, sesayutnia, Kasuma Yuda, nga, sega abang, sata wiring
kuning, pinanggang pinukang pukang linembaran mallih winangun urip, pinecel mica ginten,
presin we tebu cemeng, sampian andong bang, sekar 9 swahan, dewania amilara apan tan akerti
ring dewa, Hyangnia kapanesan nagih akarya ring sanggah, ika milara wus katur ayab ping 9,
Mantran Pangundur Semaya, Ong Ra nini Bagawati, sira sang apekik anom, siwaya ira, angadang
asamaya, masanyang kalania, anembah, anyingal, anyarik, sakonkona malingku, tadah buktyanira.
Tatebasan Kaki Sedahan Se-
18.b. maya, iki tatebasaning wong, kebaya kala, aweton anu, iki tadah saji nira, bubur dena
sangkep, menawi wenten iwang, wenten luput nunas agung sinampura ira, mangke apan ipun
sampun anawur utang , sung ana urip waras, ayu wewrdhi tutug akna,,,. Angliwat aken Semaya,
Ong Kaki Semaya, Nini semaya, ulun minta angliwat aken semayan ipun anu,, luput akna sakeng
danda upadrawa, lara wigna ,malupa lesu, iki tadah saji nira kajenengana denira kaki citra gopta,
Nini citra gopti, sambut sawayahing liniwat aken. Pakulun kaki semaya, nini semaya ingsun angli-
19.a. wat aken semayane si anu,,. lluput akna sakeng danda upadrawa, lara wigna marlupaiki tadah
saji nira kajenengana denira kaki citra gopta, Nini citra gopti,balik akna atma jiwatmaning
kinatebasan, wuh ana ayu werdhi,,,. Mantraning Anyajar Jinah Tenung, Ong Pakulun Kaki
Komara sidhi, ingsun anyeta kapatenungan nira kang sidhi, kang ngabener, kaki komara ganha,
komaraja gimbal, komara rare kning, komara lalu, komara nguli ngalung, kaki komara tuntun,
komara palah, ri pada ingsun anjaluka patenungan nira kaki komara sidhi, sira sang hyang lingga
maya, sira sang hyang-
19.b. pada semaya, sira sang hyang tri semaya, sira sang hyang pada semaya wisesa, ingsun
anjaluka sarining manon, Brahma urip 9, Ludra urip 3. Mahadewa urip 7, Sangkara urip 1, Wisnu
urip 4, Sambhu urip 6, Mahaiswara urip 5, Mahesora urip 8, siwa urip 2, manon metu sakeng
manah, aputih rupan nira, tutuk metu sakeng karna, abiru rupan nira, adnyana wisesa metu sakeng
pengantunganing ati, bang rupan nira. den tulus sidhi rastu. Om Awignam Astu, Nihan tanya
kawruhana dening angitung bagya lara, mwang pati urip ning wang, pet sakeng tri pra-
20.a. mana, nga, uriping sapta wara, panca wara mwang sad wara, ring dinot patining wang,
pratekania, wus ning jinah apupul, sudanen, Yan rare pine hitang jinah sinuda teka, nga, sesa 1.
geng urip, yan atanya lara geng labania, Sesa 2. baya kena tinulung, tanya bagia, suka duka. nir
Sesa mati, tanya laba, tan laba. Wus bisa bebed jinah tri murti, sesa 1, geng uripnia, sesa 2, baya
kena tinulung, mwang tanpam laba, nir sesa mati mwang tanpa laba. Wayah bebelen jinah catur
jantaka, sesa 1, geng uripnia, geng bagya, sesa 2, suka duka mwang-
20.b. tanpa laba, nir sesa mati mwang tanpa laba. Jinah Panca Mahata, sesa 1, geng uripnia,mwang
geng labania, sesa 2, baya kena tinulung, alpha labania, sesa 3, kadurga dewi, wilaba, sesa 4, geng
labania, urip, nir sesa mati mwang tanpa laba, Wayah Aputu jinah sedana, sesa 1, urip mwang
laba, sesa 2, lara kena tinulung, alpa laba, sesa 3 kadurga dewi, sesa 4, geng laba, sesa 5, geng
laba, nir sesa mati tanpa laba. Wayah aputu, jinah sad Ganha, sesa 1, urip mwang laba, sesa 2. lara
kena tinulung, alpa laba, sesa 3, kadurgha dewi, sesa 4, geng laba, sesa 5 geng laba, Nir sesa, mati,
tanpa laba, Yan wredha jinah sapta rsi, sesa-
21.a. 1, geng laba mwang urip, sesa 2, lara kena tinulung, mwang suka duka, sesa 3, kadurgha
dewi, sesa 4,5,6 urip mwang geng laba, nir sesa, mati mwang tanpa laba. Mwah unggwaning
pahutangania kawruhakna, sesa 1. utang ring pertiwi, caru, tumpeng 1, ulam ayam pinanggang
grih kapiting, antiga, pelas pada mawiji, gedang sowan salirang, tankari, pane anyar 1 misi pipis,
25 saha ririhan, caru pipis 111, ring Ibu pacarwania. sesa 2 utang ring banyu, caru sarwa 2, pane
anyar 1 mesi pipis 25, saha ririhan caru, pipis
21.b. 222 ring toya pacaruania, Sesa 3, utang ring Durgha, caru sarwa 3 madulur gagempung asu,
Gagempung benjit, tumpeng wewarnan, sekul ring wakul, jangan ring kwali, gagecok, pencok
sapanjang, getih salimas, cecepan antiga, sasak mentah, twak saguci mwah wuh mangharlyani
tadah celeng ji anut utpetining wang, madulur kren tanek, kuskusan anyar, pane anyar 1 medaging
piois 25, saha ririhan caru pipis 444, ha-
22.a. reping sanggar pacaruana. Sesa 5 utang ring Guru, caru sarwa 5, pane anyar 1, mesi pipis 25,
saha ririhan caru pipis 555, ring sanggah pecaruana. Sesa 6 utang ring ganha, caru sarwa 6, pane
anyar 1 mesi pipis 25, saha ririhan caru mesi pipis 666, ring kabuyutan pecaruana. Nir sesa, utang
ring Kala, caru sarwa 7, pane anyar 1 mesi pipis 25, saha ririhan caru pipis 777 metamba caru kadi
ring durga dewi, pecaruana ri tengahing natar. Mantran caru Semaya, Kaki semaya, nini semaya
ulun aminta angliwat aken semayan ipun anu,, luput akna sa
22.b. king danda upadrawa, lara wigna, marlupa lesu, iki tadah saji nira, kajenengana denira kaki
citragopta, nini citra gopti, sambut sawayahing liniwat aken caru, tumpeng tutuging langit, ulam
sawung pinanggang, sigitan jasun putih, garem, sawung nganut kang cinaru, yan lanang kang
cinaru lanang sawungnia, yan wadon kang cinaru, wadon sawungnia. bagyan yan atutwarna pisan,
tumpeng tumpeng tinumpek laju kawadahan kagem dening cinaru, ring tengahing natar, saha dipa
damar laju pinaka sanggar marep mangetan. Baya kala mwang panebusnia anut Panca Wara,
UMANIS, wetuning rare, bayakalania 7 lek, bantenia, sekul-
23.a. punjungan, sata putih pinanggang, wuwudu grih, sambel gencah, jangan kulub ranti, tape
sekul, indung bajangnia babu juru, kang ngamong babu tan endah, pupukin dukut lepas, utangnia
505, PAING wetuning rare bayakalania lumampin lampin, lamur, bantenia, sekul punjungan,
serasi, sata wiring pinanggang, sambel kameri, jangan kulub lembayung, indung bajangnia babu
jenggi, kang ngamong babu pangguh, pupukin dukut lepas, utangnia 909. PON wetuning rare,
bayakalania bisa ngucap, melayu, bantenia, sekul punjungan ayam putih kuning pinanggang,
balung gagending, katupang agung, wewudu
23.b. grih, isen isen papare, ssambel jahe, lalab ranti, jangan turi kinulub, sambel lawos
kinamberen tan tineresan, indungin bajangnia Babu Ulad-alid, kang ngamong Babu Adi, pupukin
dukut lepas. utangnia 700. WAGE wetuning rare, baya kalania bisa ngucap, pasangon, panganten,
bantenia sega punjungan, sekul aron aron, balung gagending, calon agung, jangan pepe megrang
asem, sambel jahe, indung bajangnia, Babu Sugih, kang ngamong Babu Wira, pupukin dukut lepas,
utangnia 400. KLIWON wetuning rare, baya kalania ajejangkong, melayu, bisa bebed, bantenia-
24.a. sekul punjungan, sato brontok pinanggang, ulam bawi ginerang asem, antiga, jangan kulub
pepe, sambel saang, indung bajangnia Babu Rokoh, kang ngamong Babu Prayoni, pupukin dukut
lepas, utang nia 800. Nihan Semayaning Rare Bajang, UMANIS wetuning rare sato yoni mancana,
lawan mitrania, wewehan betara iswara, indungnia babu lembana, kang ngamong babu sinang,
kang ngangon hyang mandi raksa, kang rumaksa Betari Uma, semayania wruh lumiring alungguh,
alayu, panganten, aputu, larania anglupanas, pupuknia dukut lepas, sekar pinge, rwaning ka-
24.b. yu putih, Mantra, Ong sa ba ta a i, na ma si wa ya, swaha. caru ayam putih sapulaken, penek
2, ring umah caruning, among grang kapiting, sega sapunjung, sambat indunge Babu Lembana,
utangnia 555, PAING wetuning rare, satria anjatma, lawan sanaknia amindon, wewehan betara
Brahma lawan sang Hyang yama, indungnia Babu Juru, kang ngangon Hyang Sredah, kang
ngamong Babu prana, caru ring paturon, ayam wiring pinanggang, gring agung, calon agung,
katupang ,kunang semayania, sapeken, rumambat, adegi kantep, acawet, alayu, anak pisan, larania
ring mata, mising, lengedan, pupuknia bungan landep-landep, Mantra, Ong-
25.a. sa ba ta a i namah swaha, caru ring pengadangan, sata klawu brahma, sambat ra nini
saraswati, utangnia 999, PON wetuning rare, pamannia anjatma, wewehan betara mahadewa,
indung bajangnia Babu Ulad-Alid, kang ngamong babu tresna, caru sega sagulung, jatah calon,
sata wiring kuning 2, tumpeng, aturana sanggar sambat Betara Harsa wani, rempah agung, waduk
waraha, caru akna ring paturon, sambat indungnia, Babu Ulad-Alid, utangnia 777, semayania bisa
kumureb, alaku, manak , amantu, aputu, larania anyang-anyangan, angulet sanggar busung,
pupuknia kajayanti, sulasih, wari bang, Mantra Ong
25.b. ta namah swaha. WAGE wetuning rare, kakinia manjatma, wewehan betara wisnu, indung
babu lembana mwang babu sugih, kang ngamong babu gundil, caru jajatah calon, sega magulung,
bebendeman lele, atining bawi, caru ring umah, sambat kang ngamong Babu Gundil, penek injin,
2, ayam ireng pinanggang, caru ring toya, mantra betari Sri Sanjiwani, larania anggirih, panes tis,
ngreges, asrep, pupuknia sekul tinunu, sulasih, tunjung, semayania bisa kumureb, alungguh,
rumangkang, acecawet, akuren anak aputu, mantra, Ong A namah swaha. utangnia 444. KLIWON
wetuning rare, ramania anjatma-
26.a. wewehan betara Siwa, indunge bajangnia babu Juru, Babu Kokoh, Babu Jemur, kang
ngamong Babu galuga, caru, ayam brumbun sliwah dening amanggang, sega ulu cacah, caru akna
ring sampinging marga, sambat Betara panca Yoni, malih soring paturon, jangan pineres, sega
magulung, lele mepanggang, tumpeng putih kuning, gring agung, kapiting, sambat indunge Babu
Juru, Babu krokoh, Babu jemur, utangnia 888. UMANIS wetuning rare, Betara Iswara amiturun,
wewehan babu lembana, indung bajangnia sangkep buya, larania angedap panes, semayania adeg
ngantep, wruh kinonkon, rumaja putra, panganten, tambania dukut lepas-
26.b. waringin, mantra, Ong sa ba ta a i, na ma si wa ya, caru sata putih lumuh, pinanggang
linembaran, gring agung, babelening indung bajangnia, undurana ayua suwe, sambat Betari Suci,
ika. PAING wetuning rare Betara brahma apiturun, Babu Juru araning Babu bajangnia, Maranak,
saler wyacah, larania ring mata, mising, lengedan, kabelania balung gagending, ketupang agung,
semayania bisa lumiring, rumaja putra, lumage lage, tengah tuwuh, undurana ayua suwe,
jamokania tuwi landep, mantra, Ong sa ba ta a i, na ma si wa ya, namah swaha. caru, ayam bulu
brahma, sambat Hyang Nini-
27.a. Saraswati. PON wetuning rare Betara Mahadewa wewehan, araning Babu waralindimbung,
indungnia maranak sang ulad-alid, ya teka mamanjadma, kabelaning waduking bawi, rempah
agung, semayania lumiring, bisa lumaku, jejaka, larania, anyang-anyangan, angulet, busung,
sanggar, caru, sata wiring kuning ring umah, sambat Betara Hargawati, WAGE wetuning rare
Betara Wisnu ika apiturun, Babu baggawati, indunging bajang maranaknia, sang tumurungkah,
larania manggirih, apanes tis, ati kuru saking, semayania kumureb, rumangkang, acawet,
panganten-
27.b. antiga aputu tunggal, bajangnia 9 wengi, 5 lek, bisa ngucap, sapangon, babelenia
papendeman lele, atining bawi, jamukania sulasih, tunjung, mantra, Ong sa ba ta na swaha, caru
sata ireng, acaru ring sanggar sambat Sri Betari Sanjiwani. KLIWON wetuning rare wewehan
Betara Siwa, amiturun, sang meranaknia tis pradana ngaran, larania kuru anggirih, semayania bisa
kumereb, sumranggang netrania, wruh anambut gawe, panganten, tengah tuwuh, pupukania
waringin, mantra Ong ang Namah swaha, sajinia dadang ati, gring agung, widudu hunu, sarwa
woh wohan, dena sangkep, sata Brumbun-
28.a. sinalih caru sampinging awan, Sanbat Betara Panca Yogi, sesari manut oton. Yonin Panca
Wara, UMANIS wetuning rare, sang sata yoni manjadma, lawan mitrania, wewehan Betara Iswara,
indungnia Babu lembana, kang ngamong babu sinang, kang ngangon Hyang Mandi Raksa,
dewania Betari Uma , semayaniasa lek, bisa lumiring, alungguh, malayu, acawet, penganten,
manak pisan, aputu kapejahania, kuru larania, mwang panes, sarana, dukut lepas, don kayu putih,
sekar warsika pinge, pupuk akna, mantra, Ong sa ba ta a i, na ma si wa ya swaha, caru ring paturon
sata putih sapalaken-
28.b. 2, penek 2, gerang kapiting, sega sewakul, sambat Babu lambana, Panebasania arthania 555.
malih ring kamulan, iwak bawi jejatah calon 5, balung katupang, rumbah gile, gagodoh ntumpi5,
jangan kacang, sambat sang sedahan semaya. mwah caru akna ri dalan mangetan, penek 1, sata
putih, pinanggang, gramg agung, rumbah gile, sambat sang bhuta doh aken.PAING wetuning rare
semayania ping 11, tekaning patinia tengah tuwuh, larania ngutah mising, panes tis, caru, tumpeng
1, ayam wiring pinanggang jejatah calon, 9, gagodoh tumpi, rumbah gile caru akna ring sanggar.
29.a. sambat sang sedahan semaya. Malih tebusin ring dalan mangidul caru, tumpeng 1, sata klawu
brahma pinanggang linembaran, pelas kameri, jangan asem, reratusan, balung gagending, balung
katupang, sambat sang kala Bhuta Pangkah. PAING wetuning rare semayania ping 7, tekaning
patinia manak 2, aputu kapejahania, leleng larania, tebusin ring sanggar kamulan, tumpeng 1
mepucak manik, jejatah calon 7, gegodoh tumpi, sambat sang sedahan semaya, mwang caru akna
ring dalan mangulon, tumpeng 1, iwak jajrowan bawi, jejatah 7, jepit babi, letlet, rumbah gile,
gagodoh tumpi, sata putih syungan-
29.b. pinanggang, sambat sang bhuta Bagawan. WAGE wetuning rare semayania ping 9, tekaning
patinia, panganten, kapejahania tan arep amangan, tebusin ring sanggar kamulan, sega pinungkul,
ayam wilis pinanggang, lele mepanggang, sambat sang sedahan semaya, malih caru ring dalan
utara, tumpeng ireng 1, sate ireng pinanggang, sambatSang Bhuta Wira. KLIWON wetuning
rareping 6, semaya tekaning larania, mwang matinia aputu, hanelu larania panes tis, tebusin ring
sanggar kamulan, tumpeng 1, iwak ayam pinanggang, grang agung, gagodoh tumpi, sambat sang
sedahan semaya. malih tebisin ring lebuh tumpeng 1, iwak ayam brumbun-
30.a. pinanggang, grang agung, katupang jangan pepe meuyah asem, sambel lawos, kekara
mauyah asem, yuyu mapecel, sambat Sang Kala Prayoni. Nihan Tenung Panca Wara, UMANIS
tekaning wang atanya lara, sakeng lor pati, sakeng wetan waras, sekang kidul waras, sakeng kulon
sakit amapas, kayu pinanganing glap, twak manis, buratania, caru ketan ireng, iwaknia itik
pinanggang, sata syungan, pinwiraken, Sang Hyang Indra, Sang sinambat Kala agawe kumba 3.
PAING tekaning atanya lara, sakeng wetan pati, sakeng kulon waras, sakeng kidul waras, sakeng
lor sakit, kasoping sa-
30.b. wah, patawurana ganda suli, buratania, caru, gagodoh pisang jne, sambat Betara Guru. PON
tekaning atanya lara, sakeng kidul pati, sakeng lor waras, sakeng kulon waras, sakeng wetan sakit,
rama renania sangkaning lara, pacaruana ring panglihan, sekul, sata putih kuning sambat Betara
Siddha Guru. mwah ana sosot ring kuna suku pat, dilembaratania, WAGE tekaning atanya lara,
sakeng kulon pati, sakeng wetan waras, sakeng lor waras, sakeng kidul pati, apitan manglaranin,
caru, ketan bang, iwak itik linembaran, tengahing natar acaru, tengahing natar acaru, sambat Sang
Bhuta Raja, buratania Siddha kari.
31.a. KELIWON tekaning atanya lara, sakeng lor mati, sakeng wetan waras, sakeng kidul waras,
sakeng kulon sakit, sakeng lor tekaning lara , caru sekul kuning iwak ayam linembaran, sambat
Betara Wisnu, buratania dapdap tis, ITI Pewacakan Panca Wara Jati, UMANIS atanya lara, dewea
sakeng lanang amiruda, mwang kena racun, dengen ring umah milu amilara, wenangnia lara,
tunggal talin tabunan amilara, mwang bhuta gigi rangah aweh lara, mwang ana sesangi wong atua
nira, guling bawi, amangan anginum tengahing lumbung, pianaknia lara ring kuna, caru, tumpeng
1, iwaknia ayam rinumbah gile, sajeng tan sinaringan, caruakna -
31.b. ring areping sanggar, pupukin agring, selasih mrik, menuh. PAING atanya lara, kacariking
Kala Greha, mwang pitara nglaranin, wetengnia lara, ana rowangnia amilara, atukar sangkania ring
kuna, awur ika asatrunia, mwang pemali ring umah amilara, gring nia mrapah swe waras, sarana,
sulasih, myana cemeng ,puh akna, irungnia, socania, mwang wedak akna. wenang lukat larania,
caru ring paturon, asu blang bungkem, sega bang, ayam ireng, sega ireng, sega magulung, iwak
taluh, bawang jahe, sere bang, sambat sang Bhuta Kala Raja.PON atanya lara, dewa nagih
palungguhan mwah pitara sakeng wadon manglaranin, mwang-
32.a. pamali ring umah manglaranin, mwang bhuta anggapati, genahing wang mati kecarik ring
kuna, caru ring lawang mwang ring paturon, bantenia sekul liwet, iwak ayam olah dena genep,
sajeng tan sinaringan, sambat sang bhuta anggapati, mwang yan ana mapadudusan, tan pegat
larania teka, tur ana wong wadon eddi, WAGE atanya lara, sasangin pitara sakeng wadon amiruda,
arep inentas maring Ibu, tur ana wong wadon edi, tan asabda ala nguni, caru ring natar, sega
sagulung, iwak antiga mentah, bawang jahe, sera bang, sambat Sang Kala Bhuta. tamba, sarana,
temu ireng, ketan gajih, we cendana, inum, wedaknia-
32.b. KLIWON atanya lara, tbatbahan uripnia, dewa, kala, manusa anglarani, kena ring
panginuman, wetengnia lara, dekah, ngangsur mwang sesangi durung matawur, ana papendeman,
wong atuwa wetaning sanggah, bawang merajah, caru areping sanggar, katur ring Betara Guru,
ayam brumbun pinanggang, tumpeng manca warna, sesari dena genep, sajeng tan sinaringan,
tamba, sarana cungor, tahap. Nihan Tenung Panca Wara tekananing wang atanya, mwang tenung
panca wara tekaning wang atanya lara, mwang tekaning larania. Tekaning lara ngincarinen larania,
caru tumpeng putih kuning 2, iwak sata-
33.a. linembaran, warabang, caru marep kangin. tamba, sarana, kalayar cipakan, iniris, weni
kamaliki, wedak akna. UMANIS tekaning lara, dengening durga amilara, tamba, sarana, kacang
bang, mpuning kunir, we saji, wedak akna. PAING tekaning lara, Kala Bhuta ring umah mwang
durgha simuh ring umahnia, tamba, sarana ron dapdap kuning, ganda rusa, kapurancak, wedak
akna. caru ring natar tumpeng ireng 1, ayam ireng ginoreng, pinukang pukang winangun urip, PON
tekaning lara, banaspati amiruda, mwang ana sesanginia ring kuna, luirnia bras 4 catu, mewadah
pake merembang, nyuh 1, sudang ta-
33.b.luh, ketan injin, sedah gabungan, jambe ijengan, pisang galahan, benang atukel, kampuh
saperadeg jinah 1600, kembang pahes, don nyuh, don bwah, lis, pras panyeneng, sesayut, tulung
7, cacahan 7, aturakna ring sanggar kamulan, wus ring kamulan ginawa ring paturon. tur ana wong
wadon edi, ana sabdania ala nguni, caru tengahing natar, sekul sagulung, iwak antiga mentah,
bawang jahe, tasik, sera, sambat sang Bhuta Durga, tamaba, searana, temu ireng ketan gajih. tahap.
WAGE tekaning lara, wetengnia mwang sirahnia lara, sarwa sandinia lara, keweh kebaya baya,
panes awaknia-
34.a. Kawitan umah kadurga dewa nglaranin, ana sosot tan ketawur, suci petak ring Ibu, sakeng
lanang wadon, caru ring natar , asu winangun urip, sega bang 9, tanding sambat Sang Kala Bhuta
ring umah. KLIWON tekaning lara, bincari kang wong edi anglaranin, Bhuta Jarum aweh lara,
tamba serana, don kadoyan, gegirang, sapuregel, bangle 3 iris, merajah ......., uyah uku sembar
akna, wedak serana, temu tis, don pungut, gula sari, bungan kepel, pupuhe mica, jangu, uyah, oding
pupun, we tuli, rajah kadi ngarep, serana, yaning teka sakeng lor sakit-
34.b. sakeng wetan, sakeng kidul, sakeng kulon waras, UMANIS tekaning lara Bhuta Loka nata
amilara, tamba searana, kasang kuning, twak manis, tahap, wedake serana, don kayu puring, ganda
rusa, wading sari,mur, remek, daging, inan kunyit, temu lawak, tri ketuka, mesui, mwah tutuh mata
serana, gagamongan 3 iris rajah......, uyah uku mantra, Ong kumalaka, ambalaka, sukalaka, tamba
laya iduh putih waras pet marimpen, tunggal mantraning panca wara. teka sakeng wetan, sakeng
kidul, waras, sakeng kulon sakit,
35.a. sakeng lor mati, PAING tekaning lara, pitara aweh lara mwang bhuta ganda yana milara,
tamba serana, don dapdap, kayu mais, adas, lenga wijen, ganda rusa ijo, sari , pudi, mur remek
daging, puning kunir, lunak tanek, tasik tahap. Malih wedake, sarana, temu giri, rwaning maduri
kuning, wading kelor, jahe sakawit, pulasai, rajah, wedakna. teka sakeng kulon, sakeng lor waras,
sakeng wetan mati, sakeng kidul waras. PON tekaning lara, Bhuta gadra morna milara, tamba
sarana, kunyit, lempuyang, ginten cemeng-
35.b. kasimbukan, we tuli, tahap. wedake sarana akah uku-uku, pulasai, katumbah kunyit, mesui.
teka sakeng kulon, sakeng lor waras, sakeng wetan sakit, sakeng kidul mati. WAGE tekaning lara,
Bhuta kincare nglaranin, tamba sarana, tangki sadem, jahe ireng, bangle, lenga wijen, carman
cempaka, bungan celagi, don kayu putih, isin rong, kunyit, we tuli, tahap. Malih sarana, sulasih,
dahusa kling, sumanggi, sekar kasimbukan, sekar uku-uku ireng, wanding kusambi, mica ajumput,
kulit juwuk purut, cuka tahun, arak sembar-
36.a. nia rwaning kayu puring, ganti, mesui, uku-uku ireng, mica,sembar akna. wedaknia temu
ireng, akah padi, we tuli, mesui, katumbah, kunyit, wedak akna, tutuh, sarana, we jambe anom,
uyah uku, mica gundil, puh akna netrania. teka sakeng lor, sakeng wetan waras, sakeng kidul sakit,
sakeng kulon pati. KLIWON tekaning lara kang mungguh ring ajeng, Nihan Tenung Sapta Wara
Tanya Lara, REDITE tekaning atanya lara, Hyang amilara mwang pitra, larania mawatuk, anlu,
lumigil, ewuh larania, meh pejah, caru akna ring sanggar, sega bang 6, ta-
36.b. nding, sata ireng pinanggang, malih caru rung natar marep kangin, sekul 12 tanding, mwah
sekul wong wongan awak asta pada tri warna, griwa sega putih arep ersania, SOMA tanya lara kna
wisya ring panginuman, mwang bhuta ring umah, mwang pemali amilara, caru ring natar, bubur 2
tanding, nasi 4 iwak bawi pinanggang, malih sega 12 tanding, sata ireng pinanggang, ANGGARA
atanya lara, bhuta ring alas sangkaning bhuta ngaprak amilara, larania nglempuyeng, sula, walik
aken, antyakna 3 dina, yan tan pejah ambenen walik sumpah, caru ring lebuh sega 3 tanding, sata
ireng ingolah dena genep, ngadegang sa-
37.a. maya, mwang caru ring natar, bras apinda wong wongan, tenggeke tri warna, tangane catur
warna, awak suku bras kuning, mangkana keramania. BUDA atanya lara, sang bhuda santa maweh
lara, caru ring lebuh sega 1 tanding, bubuh suyuk 7 tanding iwak ayam ingolah. mwah ring dalan
caru putih 8 tanding, sata ireng pinanggang, lamakna buwih, malih sega wong wongan awaknia tri
warna, tenggek putih tangan suku bras kuning, malih katur ring kamulan tumpeng 2 putih kuning,
sata putih syungan pinanggang. WREASPATI atanya lara,msarwa sandinia lara, pakenyednyed
larania, tuju, panes tis, caru sega 1 tanding-
37.b. mwang sega wong wongan, awak tenggek catur warna, tangan suku tri warna caru akna ring
natar arep wayabya. SUKRA atanya lara bhuta graha nglaranin, mwang kena wisya ring
panginuman, ana wong edi ri sira, caru akna ring tangguning wot, tumpeng 2 putih kuning, iwak
bebek putih, mwah pitara sakeng wadon manglaranin, caru ring dalan marep ke ersania, sega putih
8 tanding iwak ayam ireng pinanggang, mwang bras mapinda wong wongan, awaknia bras catur
warna, sirsania wija putih, asta pada wija jenar. SANISCARA atanya lara, pamali-
38.a. anglaranin, mwang olih tukar, mwang ana sesangi tuania ing kuna, suci petak ring sanggar
kamulan durung katawur, ika milara, sega putih 12 tanding, palem udang, mwang sega putih 1
tanding, iwak sata linembaran. malih sega wong wongan, awak catur warna, tenggek putih, tangan
suku kuning, caru akna ring natar, arep angulon. Nyan Tenung Sapta Wara, tekaning atanya lara,
REDITE atanya lara, nglempuyeng, horem larania, Hyang Guru amiruda, sakeng wetan desania
edi, caru sega 4 lamak, iwak sata ireng linembaran recana, twas mretyu,
38.b. sega 12 lamak, iwak ayam recana, wahu larania, dawuh 1 warasyagru, dawuh 4 pejah,
palisinia, lis 5, bras putih tekeng pupunia 2 masapanim palania ke ersania apanji panji ana
tunggaking kebon, ya mangruda ring umah. Atanya drewya ilang, pet diparania, wong lanang
angalap, ireng warnania, cabak cangkemnia, lurus jerijinia, lor wetan parania adoh, den singid
aken ring sandingin watu, ring alas ageng, abang matania, radin marangak karuh rumah, Atanya
wenang wenang ilang, pet lor wetan ri tepining awan, atanya ulun minggat, lor-
39.a. wetan parania, teka apa paraya, pet ring kabututan adoh ya, antek akna 7 dina yan tan teka
ilang ya. Anyawang aryan silaning istri, sadu patuwunia, tanya dirga yusa maring awak, adawa
urip.SOMA atanya lara turutan sakeng ineman, kadakania, hyuhadrawuh mangruda mangusengan,
dawuh 2 larania teka waras, yagru dawuh 3 ilang ya, pitara sakeng wadon manglarani, palisin 5,
lisnia bras tri warna, bras kuning tangan sukunia, ma, a, utara panimpalan nika, 2 wengi, 5 wengi,
1 wengi, waras ika, panji panji tan na tunggak-
39.b.ring dalaning umah mwah telaga mangruda, Tanya druwe ilang, wadon malap, antya 5 wengi,
yan ilang ya pasagi awaknia putih alemes, mukania tipis, peceh netrania, laris jerijinia, sungsung
guyu ya, lana mamarek kita ya, wang ageng pangerania ika, hulun minggat peting nariti, alon denia
lunga, sandinging jurang telaga, wetan tan ketemu ya, wenang wenang ilang, wayabya ungwania,
ring pinggiring kayuan, ageng. Tanya wang apa paran, dateng di parania, manyambat ayu, wang
ayan mariya gru, wang ngalania rabi, asah lanangnia di ya, silaning stri sadhu, dirgayusaning
marawak, ayuwa wana.
40.a. ANGGARA atanya lara, turuten sakeng alas, anglempuyeng, asrep, bhuta sang Hyang Indra,
angruda, antya 3 wengi, yan nu urip dudusana wangennia ania swatnia ring hyang catus pata,
mwang pasanjayan yan na waras pasilih ,lis, 5, sirah ketan ireng, awaknia bras tri warna, bras
kuning tangan suku nia, panji panji ana tunggak tebening umah, ya mangruda, Tanya druwe ilang,
mamet lumbang talingania, buket awaknia, bang semu ireng mukania, sangke umah sangkaning
maling, tampeknia rukuh lakunia, merambat ujarnia, sila satnia, tanya ulun minggat, lor wetan
palarnia, swe ya katemu kidul, tanya wenang wenang ilang ersania, parania ilang ya yan nga
40.b. met pinggiring dalan, soring randu. Tanya wang mapa paran, tan teka ya, ring paran danaya
tan anemu lara, wang ngaryan tani ya, wyangru, wang apara graha, tan asih lakinia, apasah, si
lanang stri mahalaya gawe daka ika, Tanya dirgayusa marawak, lalisya kasih, duka ya. BUDA
atanya lara, wetengnia lara, sula dingin, dawuh 4 pejah, dawuh 2 waras gruh, bhuta winaya kang
mangruda, caru bubuh suyuk, sahang byasa, mwang buta jaya, caru, sega 7 lamak, iwak ayam
ireng racana, mwang buta Hyang danaruh mangruda, sarwa kumara nyangtledu, tawon palisin ya,
lisnia 5, ketan ireng sirahnia bras tri warna walakangnia-
41.a. tangan suku bras kuning, ma, ba, lor kulon, lisnia 5, warasya panji panji ana tunggak tebaning
umah ya mangruda, mwang subal dur umah, Tanya druwe ilang, lanang malap, ireng warnania
kang ngamet, sobak pipinia kiwa, manis ujarnia, gumuyungnia wenang wenang ilang, lor paranika,
pinggiring dalan sandinging kayu, prasida ya, wang mapa paran, teka ya di parania, akweh laba
ya, wang maryan mariya gruh, wang masawa, ana asih lanang nyamadya maya, yan tuwa pasah si
lanang istri, ya satia, dirgayusa marawak, ayuwa manjadma, suka yowana, WREASPATI atanya
lara, sarwa sandinia lara, Bhuta hulun mangruda, ya, caru-
41.b. asu hyangning gunung mangruda ya, mwang bhuta kala graha, caru, ayam recana, sega 2
lamak, wehing pinggiring marga, mwang pitara nglarani, caru ayam recana, sega 7 lamak, caru
akna ring umah, ana wong istrinia dawuh 7 larania teka pejah ya, palisin, lisnia 5, bras putih
sirahnia, bras kuning awaknia, tekeng tangan suku ma, sa, panampilania karuh, 9 wengi waras,
panji panji, aa tunggak tebening umahnia, ya mangruda, upa suba umahnia, Tanya druwe ilang,
lanang ngamet, kadata, kuning lemes rambutnia, sodara nyandurania, kutila kidul wetan parania,
swe katemu ya, tanya huloun minggat, ersa-
42.a. nia parania, wadwan jalarania, di kita awaknia, tan kesing paradan, sandingin bon lor, swe
ya katemu, wnang wnang ilang, den pingidaken wetan pareking we, loring dedket, sang maparan
teka ring paran, nora labania, wang nyaryan beda ya marya gruh, wang alakya rabi, kasih madya
ya pamatuwa yania, silaning stri sadu, dirgayusa marunia wana hayu madyama, SUKRA wang
atanya lara, pitara sakeng lanang manglara, kena sapa lara, tenggeknia lara, hyang ring bukit
mangruda ya, bhuta kala graha manglara pasurun dindi, parempatan jalan huda sakeng lanang
mangruda, mwang bhuta sang hyang, caru , sega 1 lamak, iwak-
42.b. nia kadal maurip, wehing pinggiring marga ring sema, mwang hyang ebaliyan malak wang
puja haryan samah, pamali ring umah mangruda, caru sega 12 lamak, iwak uripinalem, twan
mrecu, sega 6 lamak, iwaknia ayam rinacana, palisin, lisnia 5, bras putih sirahnia, bras catur warna
awaknia, bras kuning ireng tangan sukunia, ma, a, panimpalania, ka ersania 3, wengi waras ya.
dawuh 6 larania teka pejah ya, dawuh 2 waras ya, panji panji, ana tunggak tebening umahnia,
mangruda, urut pamuru anglaranin, Tanya druwe ilang wadon mamet, wetana parania, lanang
ananggapi, lor parania, jahang rambutnia, bapi-
43.a, lon lakunia, colar matania, kudi sukunia, alang ya, tanya ulun minggat ana ring mitrania aweh
pirak, wang mapa paran tan teka parania, nora labania, wang ngaryan mangucap ya harya wang
malakiya rabi, madia makasih lanangnia, silania stri silayus, dirgayusa marawak, madya made
sukania, SANISCARA wang atanya lara, wang sanak iri diya, sangkan abicaruka, swe waras,
pamalining umah miruda, caru sega 12 lamak, iwaknia ayam ireng racana, hurang panalem, sakeng
paturuan larania wengi, wetengnia lara, ana sosot mangruda ya, ala ngendi pitara ya, daksina
desania, twan mertyuh, caru, sega 6-
43.b.lamak, iwak ayam ireng rinacana, parsalih warna bang palisnia 5, bras catur warna sirahnia,
bras kuning tangan sukunia, ma, a, daksina panimpalnia, 9, wengi waras, panji panji ana tunggak
tebening umahnia mangruda, urut pamurunania, dawuh 8, lara tekania pejah ya, dawuh 2 urip ya.
Tanya druwe ilang, wadwa angamet, kidul desania, rapet mukania, awaknia rampak ireng nipis,
sukunia raya, densingid aken pinggiring we, nariti, tanya ulun minggat lor parania, angungsi wong
ageng ya, tanya wenang wenang ilang pinggiring we, nariti parania, amwa talili, wa-
44.a. tes wetan, wang aparanan nora teka diparania, wang ngaryan mangucap ya mangaryan, wang
alakya rabi tan ana sih,jalunia. Dirgayusa maranak, lalin lara duka ya, NIHAN tenung Asta Wara
jinah jejer 8, kon anyumput tenung wang dumada, SRI kajumput sanak sakeng istri manjadma ika.
INDRA kajumput rerama sakeng lanang dumadi. GURU kajumput, sanak sakeng lanang apiturun
ika. YAMA kajumput, sanak sakeng lanang dumadi. LUDRA kajumput, sanak sakeng wadon
dumadi, BRAHMA kajumput , brahmayoni, sanak sakeng lanang dumadi. KALA kajumput, sa-
44.b.nak sakeng lanang manjadma. UMA kajumput sanak sakeng istri manjadma. Puput Sinurat
ring rahina Sukra Pahing wara Matal, Titi Panglong ping 14,sasih 4, rah 1, tenggek 1, isaka warsa
1945 warsaning loka, Kasalin antuk Jro mangku Pasek Kubu Bangli, ksama akna kang suratan.