PLUTUK NGABEN

PELUTUK NGABEN

1b. Om Awignamastu nama sidham. Nihan banten pengabenan luire Pejati kehatur ring Pura Dalem, suci asoroh, penyeneng, pras, daksina, katipat kelanan, canang pabresihan, segehan aprancak, tabuh, arak, brem, tuak, yeh. Ring ngetigang rahina padewasan ngendagin ke setra, bantenya pejati ring Betara Prajapati, pras, daksina, segehan, tabuh. Banten ngendagin ring sawa mapendem, pras, daksina, segehan, tabuh sagenepa. Banten pawedaha-

2a. n ring Sang Pandita, bantenya suci 1, pras pawedahan, daksina pawedahan, daksina penganteb, daksina pemanah, segehan aprancak, tabuh. Banten pengaskaran, suci 2 soroh, guling bawi, guling bebek, pebangkit 1, pras, penyeneng, sesayut pengambeyan, panyegjeg, nasi angkeb, bubur pirata. Pangeresikan sawa, sisig, ambuh, suci petak, minyak wangke, tigasan saperadeg, dados pengangge mewastra rinaganing gama, guling-

2b. tunjuk, panjang ilang, cegceg, sekarura pemanjangan, ganjaran, banten ring dammar kurung, pras, daksina aprancak, banten suci wnang, banten pangejot manca desa dados gebogan, ajengan atanding maulam pesan telengis, palem kakul, palem udang atanding mekarya 5 tanding, banten pangupa desa dados gebogan, banten pengangon 1 dados gebogan, tumpukan 1, pras 1, daksina 1, canang apa-

3a. sang, segehan aprancak. Banten pamerasan asoroh. Banten ring sanggar surya, suci asoroh mesegeh agung, banten punika kawedahin antuk sang Pandita. Disampune puput pinuja racedanane katedunang, kagenahang ring panene, mesarengan ring daging tirthane, katuruhin tirtha pabersihan, tirtha pangentas, tirtha pemanah antuk Sang Pandita, wus punika raris mageseng racedanane awunya mauyeg dagingin bablonyoh, genahang ring klungah nyuh gadinge tangkeb dening kojong-

3b. mekaput dening kasa, medaging kwangi, raris ketarpana antuk Sang Pandita sekah punika antuk banten pengiriman, luire ring Mrajapati suci asoroh, raris sanggar surya suci asoroh, dados gebogan, segeh agung. Banten pawedahan suci asoroh sategep ipun, Banten ring laapane banten dandanan, tarpana apajeg, pisang kembang-kembang, pisang sih, guru, panyeneng, sesayut, pras, jerimpen apasang, daksina, guling bebek, guling bawi, sorohan, suci, pras, daksina 1, ban-

4a. ten tarpana apajeg, dados gebogan. Tadahan nasi kaput atamas, perangkatan, tigasan saperadeg, idehan dados gebogan, pesamuhan 3, medaging tarpana, sari 3, canang 3, sami dados 3 tamas, swang-swang tamas katekepin antuk kojong putih, mekaput antuk kasa. Katrangan nasi ketampel dados gebogan, nasi pengangon pepelok 1, ajengan pa-

4b. –ngkonan maulam bandeng 1, ajengan pangkonan maulam dadengdeng 1, ajengan polos 1, nasi kaput maulam sekayun atamas, katrangan prangkatan katipat nasi, pangkonan, hulaalam sesanganan dados gebogan, bubuh pirata acemper, Pareresikan sisig, ambuh, minyak wangi, tigasan saperadeg, Banten ring dagingin asti cegceg mentah rateng apasang, buah-buahan, bubuh 2 taledan, cegceg ne rateng 33 katih, pras, ja-

5a. gahan 1, daksina 1, segehan aprancak, ring ajeng pedanda maweda payuk palukatan, kuskusan, sibuh pepek, lis apasang, sekarura, kwangi pangrekayan 7, pablonyoh, banten pengangon dados gebogan, medaging katipat kelanan maulam taluh bukasem, jinah 3 bidang, kesitan kasa, jaum 3 katih, lidi 3 katih, muncuk dapdap 3 muncuk, Banten pemargi 1, banten penganyut 1, pras daksina. Banten panguryagan, gebogan, pras-

5b. daksina ring tukade wiadin ring segara. Katrangan banten pangupa desa, tatumpukan 1, pras 1, daksina 1, dados gebogan, canang pasepan, canang apasang, segehan aprancak, arak, brem, tuak, yeh. Katrangan nasi pengangon katipat kelanan, taluh bukasem, jinah 3 bidang, kesitan kasa, jaum 3 katih, mekaput antuk upih, lidi 3 katih, muncuk dapdap 3 muncuk. “Om Awignamastu nama sidham”. Iki kramaning angwangun karya yadnya-

6a. saluiring yadnya, ala wiadin ayu ring pagenahnya, yadiapin rin pura, ring umah, ring tegal miwah ring sawah, kaweruhakna denira sang maolah gina, mekadi sang Pandita maka panguluning yadnya, mekadi Sang Juru Pangemong Karya wiadin sang adruwe karya yadnya, mangda yatna-yatna akna apan akweh pidartanya ayua salah tuju, awya salah pengastawa, dudu sidaning yadnya, palanya mangkana kenget akna awya hima-hima. Kayeiki kramania apan saluiring maurip, saluiring tumuwuh, saluiring patik wenang ring jagate wenang-

6b. karumaksa de Betara ring kahyangan Dalem, mapan Ida ne ngraksa saluiring pati uripe, mekadi Ida Betara ring kahyangan Desa mwang kahyangan ring Puseh, mapan Ida maka rumaksa jagat, yan ring kalaning ngwangun yadnya, wenang sira ngaturang piuning ring Kahyangan Tiga. Mangkana kramanya sida manggih ayu, yeki kramanya pangrihinin nunas ica ngaturang piuning ring Kahyangan Dalem, tur nunas panginih-inih mangda Ida sweca ngicenin kerahayuan yadnyane presida ayu, kaye iki sang adruwe karya yadnya-

7a. mangda ngaturang banten ke Pura Dalem luirnya, ajuman putih kuning makembaran, maulam siap putih siungan mepanggang, canang gantal, canang burat wangi lenge wangi, beras kuning pacekir, risampune katur beras kuninge tunas bakta mulih anggen bija maka panyengker wyadin pengraksa yadnyane. Banten pejati malih asiki luire katipat kelanan, daksina, ajuman, pras, sega manca warna, tabuh, dupa. Iki sasonteng mantra “Inggih ratu Ba-

7b. tara ring kahyangan Dalem, ageng pinunas titiange titiang nunas premenak duwene I Jro Sedahan Sang Jagal Mangupa, mangda Ida ngraksa karyan titiange, mekadi sakeluiring olah-olahan titiange, mangda sida trepti pisan, kedep sidhi, poma 3X.  Iki pidartaning nyambut karya yadnya pangarihin ngaturang piuning ring Kahyangan Tiga tur nunas panginih-inih ke Pura Kahyangan Dalem kadi dumun, ring gnahe ngwangun yadnya wnang nyujukang sanggah cucuk di-

8a. sabilang bucu, ring patengah, ring lawang gnahing yadnya artin ipun ripamesuane di samping, mangkana kramanya. Iki bebacakan bebantenan ring sanggah cucuke ne di samping pamesuane luire, nasi tumpeng adandanan medaging canang, iki pengastawanya, mantra, Ih sira Sang Bhuta, Sang Dengen, iki tadah sajinira, riwus sira amukti, wehana tengulun luputa ring sarwa lara laraning swakarya, mwang kasihan dening sarwa Bhuta kala dengen, Om Siwa amertha ya namah swaha. Iki bebanten ring sanggah cucuke ring bucu kaler kangin luire –

8b. nasi tumpeng adandanan maulam taluh siap melablab, medaging canang maka labaan sang kala ulu goak, iki pangastawanya, “Ih sira sang kala ulu goak iki tadah sajinira riwus tasira amukti wehana ta ngulun ri luputa laraning swakarya, mwang kasihana dening sarwa bhuta paksi, Om Siwa amertha ya namah swaha”. Iki banten ring sanggah cucuke kaje kauh luire, nasi tumpeng adandanan maiwak padang belulang medaging canang, iki labaan sang bhuta ulu kebo, I-

9a. ki pengastawanya, “Ih sira sang kala ulu kebo, iki tadah sajinira riwus sira amukti wehana tangulun ring luputa laraning swakarya, mwang kinasihaning ring sarwa bhuta ulu kebo, Om Siwa amertha ya namah swaha.” Iki bacakan bebanten ring neriti, kelod kauh luire, nasi tumpeng adandanan, iwaknya glagah ambengan tebu, maka labaan sang bhuta hulu gajah, iki pengastawanya, mantra, “Ih sira sang bhuta ulu gajah iki tadah sajinira, riwus sira amukti wehana ta ngulun lupu-

9b. ta ring sarwa laraning swakarya mwang kinasihana dening sarwa brangasa ulu gajah, Om Siwa amertha ya namah swaha.” Iki bacakan banten ring gneyan, kelod kangin, luire, nasi tumpeng adandanan, maulam balung medaging canang, maka labaan sang bhuta ulu asu, iki pengastawanya, “Ih sira sang bhuta ulu asu iki tadah sajinira, riwus sira amukti wehana ta ngulun luputa ring sarwa laraning swakarya mwang kinasihana ring sarwa bregala asu, Om Siwa amertha ya namah swaha.” Iki-

10a. bacakan banten ring tengah nature luire, nasi tumpeng adandanan maulam sarwa ada, maka labaan sang bhuta bregjong, magenah ring tengah nature wyadin ring pemasaran, iki pengastawanya, “Ih sira sang buta bregenjong, iki tadah sajinira mwang prasanak ira prasama, riwus sira amukti wehana ta ngulu luputa ring sarwa laraning swakarya mwang kinasihana dening sarwa bhuta dengen kabeh, Om Siwa amertha ya namah swaha.” Iki bebacakan bebanten-

10b.

11a.

11b. ngider kiwa raris ke tengah, raris ring pamesuane, wus mangkana rarisang mebanten sabilang bucu kadi dumun, samangkana kramanya Tlas. Iki tutur Dharma Caruban, kawruhakna de sang maolah gina mekadi sang Panguluning Pebat, ne ngaran Sang Belawa, ayua sira cawuh yan durung wruh kramaning patik wnang, kna upadrawa sira de sang Pramawisesa, mapan abot kramanya rikala ngambekang patik wenang, mangda tatas juga ring pangalepasan atmaning sarwa maurip, mekadi sarwa sato, sarwa-

12a. manuk, sarwa mina, mwang sarwa pelawa kabeh, kawruhakna genah atmaning sarwa patik wenang, apan bina sato kelawan paksi, bina juga unggwanya, apan saluiring amejah ingsa karma ngaran, yan nora wruha anemu tan rahayu sang amejah patik wenang, kadi iki ucapnya, apan maha petaka ngardi ingsa tininda ring rat para sadu melek, adoh maring swarga paratra, nemu sasar mareng tambra goh muka, mangkana ucaping Dharma Caruban, yeki karma utama rikalaning amejah patik wnang-

12b. patut ngambekang pangalepas masedana bebanten, yan tan mangkana tan sidakarya ngaraning yadnya, yeki bebanten pangalepas ngaran pangorokan, iki banten pangorokan luire sarwa wewalungan bantenya, daksina 1 sagenepa, ayab akna ring wuse ngorok, malih nasi kepel, canang sari, tabuh, mwang tirtha saking kahyangan sami, ring imange ngorok iki pengastawa ring Sang Hyang Predana Purusa, mantra, “Ong Swasti-swsati sarwa dewa sarwa bhuta prada-

13a. na purusa sang yoga ya namah, Ong Bang namah swaha. Ring imange ngorok mantra, “Ong sidamalung iki labaan sira aja sira agrasiyanin ngawi iki matulakna sira ring sidamalung” raris sambehang bras kuning ping 3, ayabang nasi kepel, raris gorok. Risampune metu rah mantra, Ong suksma taya mibesang dara putih, suksma taya mibesang titiran putih, suksma taya mibesang hunglon putih, jeg tur ilang. Mangkana kramanya saluiring wewalungan masuku patpat, ka-

13b. tur padangaran rohnya wnang hulihakna maring mangidul, ring Betara Brahma, Bersambungggg