Om Awighnam Astu Nama Sidham
Nihan Babad Kanda Dewa mwang blasane sane narah Ratu Jawa mwang Bali, semalih nagingin manusa ring jawa mwang Bali, tur sane ngawitin ngawe tastra ring Jawa mwang Bali.
Inggih ngawit sang Hyang Tunggal Ida madruwe rabi kekalih, sane luhuran mapesengan Dewi Damani madruwe putra tatiga, pinih luhur Ida Betara Dewanjali, malih Ida Bhatara Damastuti, pinih alit Ida Bhatara Dharma Dewa. Rabine sane alitan mapesengan Ida I Dewi Rakti, madruwe putra kekalih, sane luhuran Ida Bhatara Ismaya Smara, arine Ida Bhatara Manik maya Guru.
Inggih Bhatara sane meparab Ida Bhatara Empu Ramayadi mekarya senjata ring duhur ambune, putran Ida Bhatara Anganjali mekarya senjata ring duhur tengah segarane, ana sudagar Prabhu sakeng Najrum mawasta Prabhu Markil anglinggihin kapal, rauh ring madyan segarane raris bencah kapal punika. Ida Bhatara Empu Anganjali risedek mekarya senjata raris kacingak kapale bencah raris gelis Ida ngambil jadmane irika raris keanggen parekan, risampun suwe memarekan raris kehatur rihin Bhatara melancaran merika ke negari Najrum, ri sampun rauh ring Negari Najrum kawentenan Ida Prabhu Markil madruwe putra istri asiki maparab Ida Dewi Saka. putran sang prabhu raris kehaturang ring Ida Bhatara pinaka rabi risampune suwe alaki rabi raris mobot Ida Dewi Saka. Ida Bhatara raris eling ring pekaryan Idane tumuli ngandika ring Ida Dewi Saka, "Ih Dewi Saka icang metinggal ring nai jani, sampun suwe icang dini, engsap teken pekaryan, inggih mangkin icang mekarya senjata, mangkin nai Dewi Saka yen suba lekad manike, yen alanang adanin I Jongko Sangkolo, yan luh sara I Dewa". raris memargi Ida Bhatara ke segara mekarya senjata.
Inggih sampun suwe bobote, irika lekad manike tur lanang, raris kawastanin I Jongko Sangkolo. Ri sampun luhur putrane raris matur ring sang ibu nunasang I Aji, digelis Ibun dane nuturang ajine, "Inggih Ajin Idewa Ida Bhatara Empu Anganjali sane mekarya senjata irika ring duhur tengah segarane", inggih sang Ibu yening sapunika titiang mepamit jagi tangkil ring Bhatara, raris I Jongko Sangkolo mekeber pacang tangkil ring Ajin Idane bhatara Empu Anganjali, gelis kepanggih Ida Empu Angganjali ring duhur tengah segarane, tumuli I Jongko Sangkolo meatur,"Inggih ratu bhatara mangda titiang uning ring cokori ratu". Raris Ida bhatara ngandika ring I Jongko Sangkolo, "Ih Bapa saja kasub di jagate nanging ada ngunkulin bapa, Bapa ngelah guru wayah cening Ida Bhatara Empu Ramayadi mekarya senjata duhur ambune". Raris matur I Jongko Sangkolo, "
durung ngidaang ngetik malih............bersambung
Tidak ada komentar:
Posting Komentar