AJI PUSPA TAN ALUM

1a. Lontar Puspatanalum

1b. Om Awignamastu, iti pitegesing warah rwa bhineda tanpa sastra, nga, sane ring sarira, ne magenah ring ati putih, ne meharan ati putih, nga, untengin tingale, irika genah sang hyang rwa bhineda tanpa sastra, luirnya sarining getihe ne hening, ya rumawak sang hyang atma, nga, atma rumawak I meme, dane I meme rumawak sang hyang agni, sarining sang hyang agni rumaga yeh, yeh rumaga I bapa, ya nemalinggih ring netra karo, melawat marupa kaya wong rare, dane meharan I rare cili, ika ne katon melawat ke jaba,

2a. kasengguh ika lawat, nanging dudu ika lawat, yaika ngaranan atma jati, ika rumaga rwa bhineda tanpa sastra, ne malinggih ring netra tengen rumaga I bapa, dane I bapa wawak yeh, dane I meme malingga ring netra kiwa, dane I meme mawak sang hyang agni, nanging katon mapinda kaya wong rare cili, maka urip dane I meme mwang I bapa, ana amertha sanjiwani sane megenah ring jroning unteke, sabetening polone, irika sira megantung tanpa cantel, yaika ngaranan tunjung putih,

2b. asari mas, ya maka urip watek dewata kabeh, mwang watek rsi, lawan pitara mwah kala, ya sang hyang amertha sanjiwani uriping jagat kabeh, ne ring raga sarira, maka miwah sane ring bhuana agung, pingit akna ayua wera, ri teges iki bwat kena soddha antuk sang hyang ane lelata, dalanya swarga anemu kawah, ika kawah amuput swarga, mwah sira yan kalaning aturu sirep, kadyang apa tingkahnya sang hyang amertha sanjiwani, ida nunggal meraga betari, tengahing cakra sunya, maka ngaran sang hyang tu-

3a. nggal, megantung tanpa cantelan ring tengahing unteke, ika ngaran bumi pati mas, yan wus nunggal sang hyang amertha marupa sang hyang tunggal, raris ida turun ka pukuhing jiwanta,  nga, paledledan, irika menglanglang, manilikin sang hyang atma, rikala aturu, apan ida sang hyang tunggal tan ketaman turu, setata menget, I bapa masurupan lawan I meme, rikalanta aturu, matunggal pwa sira sakeng netra karo, raris masurupan manunggal ring jeroning lelata, kadyang apa tingkahnya, I meme manunggal lawan-

3b. I bapa, I bapa masurupan lawan I meme, kadi kris manjing ring werangkanya, wus mangkana nuli sira matinggal, sakeng jroning lelata, ngraris kapaswaban unteke, wus sakeng irika raris tedun, amarga ring uwat jajah gihinge, amarga ring gigitok, ngraris dane kalobang papusuhane, irika ana ati alit, ginaya kaya jawa sanunggal, sang sadhu maya ngaranya, irika pwa sira sang hyang atma ring pukuhing ati makolem, sumirep ngawindu ngaran, getih I bapa kasambut olih nawa sangane, sami bayune ring raga mapupul, ngawindu ring papusuh unggwanya, ye-

4a. ka matangnyan turu, wetu wruh angipi, sang hyang tunggal ajur sadidik, ring pukuhing jiwa, kena kasiraman windu ika, kang akulan ring papusuh, blah tang windu ika dadi rwa, yeka gnah sira ngipi, angipi metu lawan wyarstra, apa donya mangkana, reh sira I bapa matemu lawan I meme, ana mangkana awakta, dane aturu, dadia wruh ring warah, apan sira bapa ibunta rumaga manusa sakti, sane mawak atma, yan ngipi rikalaning atangi ya bisa mojaraken sake ipyanya, ika ngaran awaktama ngawakin, yaqn mangipi katemu pitraning wong kari maurip, i-

4b. ka, matemu ring pangipyan apa karaning mangkana, apan sarining npangan kinumta iki, yeka kena kasiram dening sang hyang amertha sanjiwani, ika ne kahunda mapinda atma, yan sira ngipi katemu lawan dewa, ika sang hyang ntunggal, kena katinggalan de sang hyang atma, mangkana pidartanya yan sira aturu, ana pwa mangugah gelis ta sira metangi, sang hyang tunggal sang aneng pukuhin jiwa maletas mantuk maring luhur, malinggih ring pasyakan tinggale, mwah marupa dane I meme, I bapa, jaya wong rare cili, I bapa mungguh ring netra tengen, mawaking idep, kawisaya nira aninggalin sa-

5a. warna ala lawan ayu, I meme mungguh ring netra kiwa, pawaking bayu, pasiweran danene ring karna, donya ngapas, kang tanpa awak, pawaking pangrenga, andenger ala lawan ayu, mwah yan sira arep mabresih, to ne I meme lawan I bapa, to ne bersihin, sane mungguh ring pasyakaning netranta, yatika bersihin, I meme, I bapa tunggal rupanya, kadyang rare cili, malingga ring netra kiwa, tengen, margane abersih, netranta kiwa, tengen ika temuakena, arad akna bapa ibunta, ke jroning selaning lelata, ring kana sira nunggal,

5b. kadi panunggalaning pati, kadyang apa tingkah nira, I meme sira nunggal sumurup ring I bapa, I bapa mersihin sira I meme, yan sira wus nunggal kadi wrangka manjinging duwung, nga, yan wus nunggal ring jroning lelata, raris margiang I bapa ke pasyakan unteke, sakeng irika raris ke bolong jajah gihinge, trus I bapa ke lobanging papusuh agung, yan wus ring kana, tasira malih margiang menek, ngemargining ring witning papusuh, ne atep ke tulang giinge, ne anerus ke bolong tungtungin lidahe, irika sang hyang atma malih mulih dadi da-

6a. dwa, irika dane belas, belas dane I meme lawan I bapa, irika wawu I bapa mersihin I meme, yan masisig I meme magenah ring untu, maharan I rare guna,  I bapa maharan sira mpu guna, magenah ring linjongin tangan tengen, yan keramas sang rare guna, sira mungguh ring tungtungin rambut, sira mpu siwa guna, mungguh ring lepa-lepaning tangan, meraga yeh, mwah dane manyuginin, yen madyus dane I rare guna I bapa meraga toya, tur dane manoyanin, yan sampun wus matirtha ring jaba-

6b. malih nunggal sang rare gunalawan sira sang mpu siwa guna, kadi iki mantuk amarga, katungtung lidah raris kapukuhing papusuh, irika mawak manusa sakti, meraga gni rahasya, malih mantuk I manusa sakti, ke jroning jajah gihinge, pada matirtha cemana ring ida sang hyang amertha sanjiwani, otot jajah giinge te ne tuuta ngamenekang, trus I bapa mantuk ke tengahing untekta, irika dane matirtha cemana, ring betara tunggal, ida meraga tirtha sanjawani, ida meraga brahmana hening, sang hyang atma wuse manusa-

7a. saktine kaicen tirtha cemana, malih katuduhang manusa saktine malingga ring netra karo ring pasyakanya, I meme malingga ring pasyakaning nnetra kiwa, mawak bayu, bayu mawak api, I bapa mungguh ring netra tengen, mawak idep, idep mawak myeh, to ne malinggih ring nnetra karo, kiwa tengen ika katon sakeng jaba, mapinda kaya wong rare, ya ingaranan jatma jati, ya dadi manusa sakti, ya ne mersihin sahi di sajroning urip, yan tekaning pati tunggal akna juga I bapa lawan I meme, kadya nga-

7b. pa, tingkahe anunggalang, I meme nyusup ring I bapa, panunggalanya ring selaging lelata, ring jro, yan wus nunggal, ring kana antukang sang hyang atma, ke telengin unteke, wus teked irika, sang hyang atma celepang ke tengah idane sang hyang tunggal, yan wus mangkana waluya sang hyang atma meraga sang hyang tunggal, swarga sang hyang atma tan ketaman papa, yan wus mangkana tinggal akna sang hyang tunggal, ring raga sarira, marga akna ring usehan, kepanggih swarga luwih, swarganing nwatek dewata, kabeh, tanpawalia sira anjatmamwah pada mor ring betara ring cakra sunya, apa-

8a. n sang hyang tunggal meraga mertha sanjiwani,